ଖରିଆରରୋଡ଼ ଥାନା ଘେରାଉ କଲେ ମୋଙ୍ଗରାପାଳିବାସୀ

ନୂଆପଡା : ଅଭିଯୁକ୍ତ ମାନଙ୍କ ପ୍ରତି ପୋଲିସ ଦେଖାଉଛି ଅନୁକମ୍ପା। ପ୍ରତିବାଦରେ ଖରିଆର ରୋଡ଼ ଏନଏସି ଅଧ୍ୟକ୍ଷାଙ୍କ ସହ ମୋଙ୍ଗରାପାଳିବାସୀ ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ।  ଖରିଆର ରୋଡ଼ରେ ଦିନକୁ ଦିନ ଜୁଆ, ସଟା, ଚୋରି ଡକାୟତ ସହ ମଦ ଗଞ୍ଜେଇର କାରବାର ବଢିବାରେ ଲାଗିଛି । ବାରମ୍ବାର ପୋଲିସ ପ୍ରଶାସନ ପାଖରେ ଗୁହାରି କଲେ ମଧ୍ୟ ପୋଲିସ କୌଣସି ପ୍ରକାର କାର୍ଯ୍ୟାନୁଷ୍ଠାନ ନେଉନଥିବା ଆନ୍ଦୋଳନ କାରୀ ମାନେ ଅଭିଯୋଗ କରିଛନ୍ତି । ଅନେକ ଚୋରି ଡକାୟତି ଯୁବକଙ୍କୁ ଲୋକେ କାବୁ କରି ପୋଲିସକୁ ଖବର ଦେଇଥିଲେ ମଧ୍ୟ ଏହା ଆମର କାମ ନୁହେଁ ଅଧ୍ୟକ୍ଷାଙ୍କୁ କୁହ ବୋଲି ପୋଲିସ ଅଭିଯୋଗ କରିଛନ୍ତି । ଯଦି ଅସାମାଜିକ କାମ ପାଇଁ ଅଧ୍ୟକ୍ଷ ଦାୟୀ ତେବେ ପୋଲିସର କାମ କଣ ବୋଲି ଲୋକ ପ୍ରଶ୍ନ କରିଛନ୍ତି । ଘଟଣା ସ୍ଥଳରେ ନୂଆପଡା ଅତିରିକ୍ତ ଏସପି ପହଞ୍ଚି ଆନ୍ଦୋଳନ କାରୀ ମାନଙ୍କୁ ପ୍ରତିଶୃତି ଦେବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା ।