ନୂଆଦିଲ୍ଲୀ: ଦିନକୁ ଦିନ ଦିଲ୍ଲୀରେ ପ୍ରଦୂଷଣର ମାତ୍ରା ଅଣାଆୟତ୍ତ ହେବାରେ ଲାଗିଥିଲା । ଫଳରେ ଅଣନିଶ୍ବାସୀ ହୋଇପଡ଼ୁଥିଲେ ରାଜଧାନୀବାସୀ। ଏନେଇ ପ୍ରଦୂଷଣ ଅଳ୍ପ ମାତ୍ରାରେ ସୁଧାର ଆସିଛି । ତେଣୁ ସରକାର ନଭେମ୍ବର ୯ ତାରିଖରେ ଅର୍ଥାତ୍ ଆସନ୍ତାକାଲି ସମସ୍ତ ସ୍କୁଲ ଖୋଲିବାକୁ ନିଷ୍ପତ୍ତି ନେଇଛନ୍ତି ।ଏଥିସହ ଟ୍ରକ ଓ ଅନ୍ୟାନ୍ୟ ଗାଡ଼ିର ପ୍ରବେଶ ଉପରେ ଲାଗିଥିବା କଟକଣା ମଧ୍ୟ ଦିଲ୍ଲୀ ସରକାର ଉଠାଇ ଦେଇଛନ୍ତି।
ତେବେ ଘରୋଇ ଉଚ୍ଛେଦ ଓ ନିର୍ମାଣ କାମ ପୂର୍ବଭଳି ଦିଲ୍ଲୀରେ ବନ୍ଦ ରହିବା ସହ ସ୍କୁଲ ଗୁଡ଼ିକୁ ସେମାନଙ୍କ ବାହାର କାର୍ଯ୍ୟକ୍ରମ ବନ୍ଦ ରଖିବାକୁ ପରିବେଶ ମନ୍ତ୍ରୀ ଗୋପାଳ ରାଏ ସୂଚନା ଦେଇଛନ୍ତି । ସେହିପରି ୱାର୍କ ଫର୍ମ ହୋମ ନୀତିକୁ ଦିଲ୍ଲୀ ସରକାର ପୁଣି କାର୍ଯ୍ୟକାରୀ କରିଛନ୍ତି।ମନ୍ତ୍ରୀ ଶ୍ରୀ ରାଏ କହିଛନ୍ତି, ପରିବେଶ ଉଯଯୋଗୀ ବସ୍ ସେବା ଚାଲୁ ରହିବ। ସିଏନଜି ଦ୍ୱାରା ଚାଲୁଥିବା ୫୦୦ ଘରୋଇ ବସ୍ ମଧ୍ୟ ରାଜଧାନୀରେ ଲୋକଙ୍କୁ ସେବା ଯୋଗାଇ ଦେବ।
ଦିଲ୍ଲୀର ପ୍ରଦୂଷଣ ସ୍ଥିତି ସୁଧୁରିଥିଲେ ମଧ୍ୟ ଏବେ ବି ବାୟୁର ଗୁଣବତ୍ତା ଖରାପ ରହିଥିବା ସୂଚନା। ସଫରର ତଥ୍ୟ ଅନୁଯାୟୀ, ଆଜି ଦିଲ୍ଲୀର ଏକ୍ୟୁଆଇ ୩୨୬ ରେକର୍ଡ କରାଯାଇଛି। ନୋଏଡାରେ ଏହା ୩୩୨, ଗୁରୁଗ୍ରାମରେ ୩୨୫ ଓ ଗାଜିଆବାଦରେ ଏକ୍ୟୁଆଇ ୩୩୧ ରେକର୍ଡ ହୋଇଛି।
Comments are closed.