ଯାଜପୁର: ବ୍ୟାସନଗରର ଚର୍ଚ୍ଚିତ ପୌର ନିର୍ବାହୀ ଅଧିକାରୀଙ୍କ ନାଁରେ ଯାଜପୁର ରୋଡ ଥାନାରେ ଏତଲା । ସଫେଇ ସୁପରଭାଇଜର ଦେଇଛନ୍ତି ଏତଲା । ନିର୍ବାହୀ ଅଧିକାରୀ ସୁପରଭାଇଜରଙ୍କୁ ଦୁର୍ବ୍ୟବହାର କରିବା ସହିତ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ । ଦୁଇଦିନ ତଳେ ପୌର ସଂସ୍ଥାର ସଫେଇ କାର୍ଯ୍ୟ ନେଇଥିବା ଠିକା ସଂସ୍ଥା ଅଧୀନରେ କାର୍ଯ୍ୟ କରୁଥିବା ସଫେଇ ସୁପରଭାଇଜର ସୌଫୁଦ୍ଦିନ ଖାନଙ୍କୁ ନିର୍ବାହୀ ଅଧିକାରୀ ଅଶୋକ କୁମାର ରାଉତ ଆଶୀଳନ ଭାଷାରେ ଗାଳିଗୁଲଜ କରିଥିଲେ ।
ଯାହାକୁ ନେଇ ଆଜି ସୌଫୁଦ୍ଦିନ ଯାଜପୁର ରୋଡ ଥାନାରେ ନିର୍ବାହୀ ଅଧିକାରୀ ତାଙ୍କ ନାଁରେ ଏତଲା ଦେଇଛନ୍ତି । ଯାଜପୁର ରୋଡ୍ ପୋଲିସ ଅଭିଯୋଗକୁ ଆଧାର କରି ତଦନ୍ତ କରୁଛି । ଅନ୍ୟପଟେ ନିର୍ବାହୀ ଅଧିକାରୀଙ୍କ ଆଉ ଏକ ଭିଜୁଆଲ୍ ସୋସିଆଲ ମିଡିଆରେ ଭାଇରାଲ ହେଉଛି । କଳିଙ୍ଗନଗର ଅତିରିକ୍ତ ଜିଲାପାଳ ଓ ବ୍ୟାସନଗର ତହସିଲଦାରଙ୍କ ସମ୍ମୁଖରେ ଜଣେ କର୍ମଚାରୀଙ୍କୁ ଧକ୍କା ମାରୁଥିବା ଏଥିରେ ଦେଖିବାକୁ ମିଳୁଛି ।
Comments are closed.