ନୂଆଦିଲ୍ଲୀ: କଂଗ୍ରେସ ନେତା ସଲମାନ ଖୁର୍ସିଦ କହିଛନ୍ତି ଯେ ରାହୁଲ ଗାନ୍ଧୀ ଜଣେ ଯୋଗୀ । ସେ ଏବେ ‘ତାପସ୍ଯା’ କରୁଛନ୍ତି ତାଙ୍କ ଉଦ୍ଦେଶ୍ୟରେ ସଫଳ ହେବା ପାଇଁ। ଏହା କହିଛନ୍ତି କଂଗ୍ରେସ ନେତା ସଲମାନ ଖୁର୍ସିଦ। କଂଗ୍ରେସର ଭାରତ ଯୋଡ଼ ଯାତ୍ରାର ଯୋଜନା ଏବେ ଟିକିଏ ବଦଳିଛି। ଏହି ଯାତ୍ରାର ଗସ୍ତ କାର୍ଯ୍ୟକ୍ରମ ଉତ୍ତର ପ୍ରଦେଶ ଯିବ ବୋଲି ସ୍ଥିର ହୋଇନଥିଲା। ଏବେ କିନ୍ତୁ ନିୟମ ପରିବର୍ତ୍ତନ ପରେ ୟୁପି ଦେଇ ଭାରତ ଯୋଡ଼ ଯାତ୍ରା ଯିବ ବୋଲି ସୂଚନା ଦେବା ବେଳେ ଖୁର୍ସିଦ ରାହୁଲଙ୍କ ଜଣେ ଯୋଗୀ ସହ ତୁଳନା କରିଛନ୍ତି। ଏଥିସହ ତାଙ୍କୁ ଭଗବାନ ରାମଙ୍କ ସହ ତୁଳନା କରିଛନ୍ତି।
ରାହୁଲ ଗାନ୍ଧୀ ଜଣେ ସୁପରମ୍ୟାନ୍। ଆମେ ସମସ୍ତରେ ଥଣ୍ଡାରେ ଜ୍ୟାକେଟ୍ ପିନ୍ଧିଥିବାବେଳେ ସେ ଏକ ଟି-ସାର୍ଟରେ ଭାରତ ଯୋଡ ଯାତ୍ରା କରୁଛନ୍ତି। ସେ ଜଣେ ଯୋଗୀଙ୍କ ଭଳି ପୂର୍ବତନ ବୈଦେଶିକ ମନ୍ତ୍ରୀ କହିଛନ୍ତି।
ରାହୁଲ ଗାନ୍ଧୀଙ୍କୁ ପ୍ରଭୁ ରାମଙ୍କ ସହ ତୁଳନା କରି ସେ କହିଥିଲେ। ପ୍ରଭୁ ରାମଙ୍କ ‘ଖଡଉ’ ବହୁ ଦୂର ସ୍ଥାନକୁ ଯାତ୍ରା କରିଥିଲା। ବେଳେବେଳେ ଭରତ ‘ଖଡଉ’ ନେଇ ସେହି ସ୍ଥାନକୁ ଯାଆନ୍ତି ଯେଉଁଠାରେ ରାମ ଜୀ ସକ୍ଷମ ନୁହଁନ୍ତି। ଭରତଙ୍କ ପରି, ଆମେ ୟୁପିରେ ‘ଖଡଉ’ ବହନ କରିଛୁ। ବର୍ତ୍ତମାନ ‘ଖଡଉ’ ୟୁପିରେ ପହଞ୍ଚିସାରିଥିବା ବେଳେ ରାମ (ରାହୁଲ ଗାନ୍ଧୀ) ମଧ୍ୟ ଆସିବେ ବୋଲି ସେ କହିଛନ୍ତି।
ବିଜେପିର ଶେହଜାଦ ପୁନାୱାଲା ଟୁଇଟରରେ ଖୁର୍ସିଦଙ୍କ ଏପରି ମନ୍ତବ୍ୟକୁ ହିନ୍ଦୁ ବିଶ୍ୱାସକୁ ଅପମାନ ବୋଲି କହିଛନ୍ତି। କଂଗ୍ରେସ ନେତା ରାମ ଜୀଙ୍କର ଅସ୍ତିତ୍ୱକୁ ଅସ୍ୱୀକାର କରିବା ପରେ ରାମ ମନ୍ଦିରକୁ ଅବରୋଧ କରିବା ବର୍ତ୍ତମାନ ହିନ୍ଦୁ ବିଶ୍ୱାସ ପାଇଁ ଅପମାନ ବୋଲି ପୁନାୱାଲା ଟ୍ୱିଟ୍ କରି ଲେଖିଖିଛନ୍ତି।
ଉଲ୍ଲେଖଯୋଗ୍ୟ, ରାହୁଲ ଗାନ୍ଧୀ କନ୍ୟାକୁମାରୀରୁ ଜମ୍ମୁ କଶ୍ମୀର ପର୍ଯ୍ୟନ୍ତ କଂଗ୍ରେସର ଭାରତ ଯୋଡ ଯାତ୍ରା ଜରିଆରେ ଜନସମ୍ପର୍କ କାର୍ଯ୍ୟକ୍ରମ ଜରିଆରେ ଆଗେଇ ନେଉଛନ୍ତି।
Comments are closed.