ତାଳଚେର: ଅନୁଗୁଳ ଜିଲ୍ଲା ତାଳଚେରସ୍ଥିତ ଭରତପୁର କୋଇଲା ଖଣିରେ ଗତକାଲି ବିଳମ୍ବିତ ରାତିରେ ମାଟି ଅତଡ଼ା ଖସିଯିବା ଫଳରେ ଦୁର୍ଘଟଣା ଘଟିଛି ।
ପ୍ରାପ୍ତ ସୂଚନାନୁଯାୟୀ ବିଳମ୍ବିତ ରାତିରେ କୋଇଲା ଖୋଲା କାମ ଚାଲିଥିବା ବେଳେ କୌଣସି କାରଣବଶତଃ ମାଟି ଅତଡ଼ା ଖସିଯାଇଥିଲା । ଫଳରେ ତଳେ କାମ କରୁଥିବା ଅନେକ ଗାଡି ମୋଟର , ଯନ୍ତ୍ରାଂଶ ସହ କିଛି ଶ୍ରମିକ ଦବି ରହିଥିବା ନେଇ ସନ୍ଦେହ ପ୍ରକାଶ କରାଯାଉଛି ।
ଘଟଣାସ୍ଥଳରେ ଖଣି କର୍ତ୍ତୃପକ୍ଷ, ପୋଲିସ, ଦମକଳ ବାହିନୀ ଓ ସ୍ବେଛାସେବୀ ମାନେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଥିବା ଜଣାପଡିଛି ।
ତେବେ ପାଖାପାଖି ୧୦ରୁ ଅଧିକ ଆହତମାନଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ନେଇ କର୍ତ୍ତୃପକ୍ଷଙ୍କ ସୁତ୍ରରୁ ପ୍ରକାଶ । ଏଯାବତ୍ ମାଟି ତଳେ କେତେଜଣ ଫସି ରହିଛନ୍ତି ସେନେଇ କୌଣସି ସ୍ପଷ୍ଟ ହୋଇପାରିନଥିବା ନେଇ ସୂଚନା ମିଳିଛି ।