ନୟାଗଡ଼: ୟୁନିଫର୍ମ ପିନ୍ଧି ନଥିବାରୁ ପରୀକ୍ଷା ହଲ ଭିତରେ ପ୍ରବେଶ କରିନପାରିବାର କିଛି ସମୟ ପରେ ନିଖୋଜ ହୋଇଯାଇଥିବା ମାଟ୍ରିକ ପରୀକ୍ଷାର୍ଥୀ ଉଦ୍ଧାର ହୋଇଛନ୍ତି । ପରିବାର ଲୋକେ ପୁଅ ନିଖୋଜ ହୋଇଯାଇଥିବା ନେଇ ଅଭିଯୋଗ କରିବାପରେ ପୋଲିସ ସର୍ଚ୍ଚ ଅପରେସନ ଆରମ୍ଭ କରିଥିଲ।। ଏହାପରେ ଏକ ଗଛ ମୂଳେ କାନ୍ଦୁଥିବାର ଦେଖିବାକୁ ପାଇଥିଲା ପୋଲିସା
ନୟାଗଡ଼ ଜିଲ୍ଲା ଦଶପାଲ୍ଲା ଅଂଚଳର ଏହି ଘଟଣାକୁ ନେଇ ଗୁରୁବାର ସାରା ରାଜ୍ୟରେ ଚର୍ଚ୍ଚା ହୋଇଥିଲା । ଦଶପଲାର ରାଧାମାଦବ ନୋଡାଲ ଉଚ୍ଚ ବିଦ୍ୟାଳୟର ପ୍ରଦୀପ ନାୟକ ନାମକ ଏହି ଛାତ୍ର ପରୀକ୍ଷା କେନ୍ଦ୍ରରେ ପ୍ରବେଶକୁ ବାରଣ କରାଯିବା ପରେ ଘରକୁ ଫେରିନଥିଲେ । ତାଙ୍କ ପରିବାର ସଦସ୍ୟ ଦଶପଲା ପୋଲିସ ଷ୍ଟେସନରେ ଏ ନେଇ ଅଭିଯୋଗ କରିଥିଲେ ।
ପୋଲିସ ଛାତ୍ରଙ୍କୁ ଖୋଜାଖୋଜି ଆରମ୍ଭ କରିବାର କିଛି ଘଂଟା ପରେ ସ୍ଥାନୀୟ ଲୋକମାନେ ତାଙ୍କୁ ଆମ୍ବ ଗଛ ତଳେ ବସି କାନ୍ଦୁଥିବାର ଦେଖିବାକୁ ପାଇଥିଲେ । ପରେ ସେମାନେ ପୋଲିସକୁ ହସ୍ତାନ୍ତର କରିଥିଲେ । ଦଶପଲା ବିଇଓ ରାଜ କିଶୋର ମହାରଣା ଏ ବାବଦରେ କୌଣସି ଅଭିଯୋଗ ପାଇନାହାନ୍ତି ବୋଲି କହିଛନ୍ତି ।
Comments are closed.