ଭୁବନେଶ୍ୱର: ତାମିଲନାଡୁର ଥିରୁଭନ୍ନାମରାଲାଇରେ ଚାଲିଥିବା ଜାତୀୟ ଫେଡେରେଶନ କପ ଜୁନିୟର(୨୦ ବର୍ଷରୁ କମ) ଆଥଲେଟିକ୍ସ ଚାମ୍ପିୟନଶିପରେ ଓଡିଶାର ମାନ ରଖିଛନ୍ତି ସବିତା ଟପ୍ପୋ । ଏହି ୧୮ ବର୍ଷୀୟା ଯୁବ ଆଥଲେଟଜଣଙ୍କ ମହିଳା ୧୦୦ ମିଟର ହର୍ଡଲ୍ସ ପ୍ରତିଯୋଗିତାରେ ରୌପ୍ୟ ପଦକ ହାସଲ କରିଛନ୍ତି । କର୍ଣ୍ଣାଟକର ଉନ୍ନାଥି ଆୟପ୍ପା ବୋଲାଣ୍ଡ ୧୪.୧୭ ସେକେଣ୍ଡରେ ରେସ ସମ୍ପୂର୍ଣ୍ଣ କରି ସ୍ୱର୍ଣ୍ଣ ପଦକ ହାସଲ କରିଥିଲେ । ସବିତା ୧୪.୩୪ ସେକେଣ୍ଡରେ ତାଙ୍କ ରେସ ସମ୍ପୂର୍ଣ୍ଣ କରି ଅଳ୍ପକେ ସ୍ୱର୍ଣ୍ଣ ପଦକ ହାତଛଡା କରିଥିଲେ । ତେଲେଙ୍ଗାନାର ନମାୟି ରୁଚିଥା ୧୪.୪୩ ସେକେଣ୍ଡ ସମୟ ନେଇ ବ୍ରୋଞ୍ଜ ପଦକ ଜିତିଥିଲେ ।
ସବିତା ଓଡିଶା ରିଲାଏନ୍ସ ଫାଉଣ୍ଡେସନ ଆଥଲେଟିକ୍ସ ଏଚପିସିରେ ପ୍ରଶିକ୍ଷଣ ନେଉଛନ୍ତି । ଗତ ବର୍ଷ ଅକ୍ଟୋବରବରେ କୁଏଟରେ ଅନୁଷ୍ଠିତ ହୋଇଥିବା ଏସିଆନ ୟୁଥ ଆଥଲେଟିକ୍ସ ଚାମ୍ପିୟନଶିପରେ ସେ ରୌପ୍ୟ ପଦକ ହାସଲ କରିଥିଲେ । ତାଙ୍କ ପ୍ରଦର୍ଶନ ନେଇ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।
Comments are closed.