ଦିଲ୍ଲୀ : ବଡ଼ ବଡ଼ ସହରରେ ଅଧିକାଂଶ ଲୋକେ ମେଟ୍ରୋ ଟ୍ରେନ୍ରେ ଯାତ୍ରା କରିଥାନ୍ତି । ଅଧିକାଂଶ ଟ୍ରେନରେ ଲୋକେ ସିଟ୍ ନ ପାଇ ବେଶୀ ହଇରାଣ ହୋଇଥାନ୍ତି । ସିଟ୍ ନ ମିଳିବାରୁ ଜଣେ ଯୁବକ ଏମିତି କିଛି କରି ବସିଲେ, ଯାହାକୁ ଦେଖିଲେ ଆପଣ ହସି ହସି ଗଢିଯିବେ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଭିଡ଼ିଓରେ ଦେଖିବାକୁ ମିଳିଛି ଯେ, ଦିଲ୍ଲୀରେ ଜଣେ ଯୁବକ କୌଣସି କାମ ପାଇଁ ମେଟ୍ରୋ ଟ୍ରେନ୍ରେ ଯାଉଥିଲେ । ଟ୍ରେନ୍ରେ ଏତେ ଭିଡ଼ ଯେ, ଛିଡ଼ା ହେବାକୁ ବି ଜାଗା ନ ଥିଲା । ବିଚରା ଯୁବକ ଜଣକ ଟ୍ରେନ୍ରେ ଛିଡ଼ା ହୋଇ କିଛି ବାଟ ଯିବା ପରେ ନାଟକ କରିବା ଆରମ୍ଭ କରୁଛନ୍ତି । ହଠାତ୍ ନିଜ ଶରୀରକୁ ଜୋରରେ ଥରାଇବାକୁ ଲାଗୁଛନ୍ତି । ଏପରି ଦେଖି ତାଙ୍କ ପାଖ ସିଟ୍ରେ ବସିଥିବା ଲୋକମାନେ ଭୟରେ ଉଠି ପଳାଉଛନ୍ତି । ଏହି ସମୟରେ କିଛି ଲୋକେ ସିଟ୍ରେ ବସିଯିବାକୁ କହୁଛନ୍ତି । ଚାଲାକ ଯୁବକ ଜଣକ ଆରାମରେ ସିଟ୍ରେ ବସି ପଡ଼ୁଛନ୍ତି । ଲୋକେ ସନ୍ଦେହ କରିବା ଭାବି ପୁଣି ନିଜ ଦେହକୁ ଧରାଉଛନ୍ତି । ପରେ ଆରାମରେ ସିଟ୍ରେ ବସି ଯାତ୍ରା କରୁଛନ୍ତି ।
ଯୁବକ ଜଣକ ଏପରି ନାଟକ କଲେ ଯେ, ତାଙ୍କୁ କେହି ସନ୍ଦେହ କରିବା ତ ଦୂରର କଥା, ଚିନ୍ତିତ ହୋଇପଡ଼ିଲେ ଅନ୍ୟ ଯାତ୍ରୀମାନେ ।
Comments are closed.