ପାରଳାଖେମୁଣ୍ଡି:ଗଜପତି ଜିଲ୍ଲାରେ ଭୟାବହ ଦୁର୍ଘଟଣା । ଘାଟିରେ ଯାଉଥିବାବେଳେ ୧୫ ଫୁଟ ତଳକୁ ଖସିପଡିଲା ଅଟୋ । ୧୨ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି ।
ଘଟଣା ଘଟିଛି ଆଜି ସକାଳେ । ଗଜପତି ଜିଲ୍ଲା ମୋହନା ଥାନା ଗୁଛାଗୁଡ଼ା ଘାଟିରେ ଘଟିଛି ଦୁର୍ଘଟଣା । ସକାଳୁ ସକାଳୁ ୧୮ ଜଣ ଯାତ୍ରୀ ଗୋଟିଏ ଅଟୋରେ ଲୁହାଗୁଡ଼ି ସାପ୍ତାହିକ ହାଟକୁ ଯାଉଥିଲେ । କନ୍ଧକଳାମେରି ଗାଁର ନିକଟ ଘାଟି ରାସ୍ତାରେ ଅଟୋଟି ତଳକୁ ଓହ୍ଲାଉଥିବାବେଳେ ଭାରସାମ୍ୟ ହରାଇଥିଲା । ଫଳରେ ରାସ୍ତାର ଡାହାଡ ପଟକୁ ଖସି ପଡିଥିଲା । ଅଟୋଟି ପ୍ରାୟ ୧୫ ଫୁଟ ତଳେ ଆସି ପଡିଥିଲା ।
ଅଟୋରେ ଥିବା ୧୮ ଜଣାଯାକ ଯାତ୍ରୀ ଆହତ ହୋଇଛନ୍ତି । ତେବେ ୧୨ ଜଣଙ୍କର ଅବସ୍ଥା ଗୁରୁତର ଅଛି ।
ଘାଟିରେ ତଳକୁ ଖସିଲା ଅଟୋ । ଦୁର୍ଘଟଣାରେ ୧୮ ଯାତ୍ରୀ ଆହତ ହୋଇଛନ୍ତି । ୧୨ ଜଣଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିବା ସୂଚନା ରହିଛି । ସ୍ଥାନୀୟ ଲୋକେ ଆହତମାନଙ୍କୁ ଉଦ୍ଧାର କରି ମୋହନା ମେଡିକାଲରେ ଭର୍ତ୍ତି କରିଛନ୍ତି । ଆହତଙ୍କ ମଧ୍ୟରେ ୨ ଜଣ ଶିଶୁ ଓ ୪ ଜଣ ମହିଳା ଅଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚିଛି ।
Comments are closed.