ଓଡ଼ିଶା ସମ୍ବାଦ ବ୍ୟୁରୋ: ଅଜବ ଏ ଦୁନିଆ। ଏହି ବ୍ରହ୍ମାଣ୍ଡରେ ଏପରି ଅନେକ ରହସ୍ୟ ଲୁଚି ରହିଛି ଯାହା ଶୁଣିଲେ କିମ୍ବା ଦେଖିଲେ ଆମକୁ ଆଶ୍ଚର୍ଯ୍ୟ ଲାଗେ। କେଉଁଠି ପାହଡ଼, ପର୍ବତ, ଜଙ୍ଗଲକୁ ନେଇ ରହସ୍ୟ ରହିଛି ତ ଆଉ କେଉଁଠି ନଦୀକୁ ନେଇ ଅନେକ ରହସ୍ୟ ଲୁଚି ରହିଛି। ହେଲେ ଆଜି ଆମେ ଆପଣଙ୍କୁ ବିଶ୍ୱର ଏକ ଏଭଳି ନଦୀ ବାବଦରେ କହିବାକୁ ଯାଉଛୁ ଯେଉଁଠି ଅଧାରାସ୍ତାରେ ଅଚାନକ ଅଦୃଶ୍ୟ ହୋଇଯାଏ ନଦୀ ପାଣି । ଏହାର କାରଣ ଖୋଜିବାକୁ ଯାଇ ଅନେକ ବର୍ଷ ହେବ ବୈଜ୍ଞାନିକମାନେ ଅନୁସନ୍ଧାନ କରୁଥିଲେ ବି କିଛି ସୁଫଳ ମିଳିପାରି ନାହିଁ।
ଆମେରିକାର ମିନେସୋଟା ନଦୀରେ ଦୁନିଆର ସବୁଠୁ ବଡ ରହସ୍ୟ ଲୁଚି ରହିଛି। ଜଳ ଅଧା ବାଟରେ ଅଦୃଶ୍ୟ ହୋଇଯାଏ। ଏଭଳି ଏକ ନଦୀର ରହସ୍ୟ ଖୋଜିପାଇବାରେ ଆମେରିକାର ବୈଜ୍ଞାନିକମାନେ ଏବେ ବି ସଫଳ ହୋଇ ନାହାଁନ୍ତି । ଆମେରିକାର ମିନେସୋଟା ରାଜ୍ୟରେ ଏହା ଅବସ୍ଥିତ ହୋଇଥିବା କାରଣରୁ ନଦୀର ନାମ ମଧ୍ୟ ମିନେସୋଟା ରହିଥିବା କୁହାଯାଏ । ମିସିସିପି ନଦୀର ଏହା ଏକ ଉପନଦୀ ହୋଇଥିବା ବେଳେ ଏହାର ଲମ୍ବ ୫୩୪ କିଲୋମିଟର ପର୍ଯ୍ୟନ୍ତ ବ୍ୟାପିଛି । ତେବେ ମିନେସୋଟାର ଅର୍ଥ ହେଉଛି, ଆକାଶ ରଙ୍ଗର ପାଣି। କୁହାଯାଏ ଏହା ଆମେରିକାର ହିମଯୁଗ ପରେ ନଦୀଟିର ପ୍ରବାହିତ ଆରମ୍ଭ ହୋଇଥିଲା। ୧୮୬୨ ରେ ହୋଇଥିବା ଡାକୋଟା ମହାଯୁଦ୍ଧରେ ଏହି ନଦୀ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା।
ଏହି ନଦୀ ନିଖୋଜ ହେବାର ରହସ୍ୟ କେହି ଜାଣନ୍ତି ନାହାଁନ୍ତି। ଗୋଟିଏ ପାର୍ଶ୍ୱରୁ ଏହି ନଦୀ ସାଧାରଣ ଉପାୟରେ ପ୍ରବାହିତ ହୁଏ, କିନ୍ତୁ ଆଜି ପର୍ଯ୍ୟନ୍ତ ନଦୀର ଅନ୍ୟ ଅଂଶ କେଉଁଠାରେ ଶେଷ ହୁଏ ତାହା କେହି ଜାଣିପାରି ନାହାଁନ୍ତି। କିଛି ଲୋକ ବିଶ୍ୱାସ କରନ୍ତି ଯେ ଏହି ନଦୀର ଗୁମ୍ଫାଗୁଡ଼ିକ ଚୂନ ପଥରରେ ନିର୍ମିତ। କେତେକ ବିଶ୍ୱାସ କରନ୍ତି ଯେ ଏହି ନଦୀ ଗୁମ୍ଫାର ଶେଷ ଗର୍ତ୍ତ ଏକ ଲାଭା ଟ୍ୟୁବରେ ବାହାରିଥାଏ। କିନ୍ତୁ ଶେଷରେ ଏହି ଅଦୃଶ୍ୟ ନଦୀର ରହସ୍ୟ, ରହସ୍ୟ ହୋଇ ରହିଛି।
ଆମେରିକାର ମିନେସୋଟା ନଦୀ ନିକଟରେ ମାନବ ଖପୁରୀର ଏକ ଅଂଶ ଦେଖିବାକୁ ମିଳିଥିଲା। ଏହା ପରେ ଖପୁରୀର ଫୋରେନସିକ୍ ପରୀକ୍ଷା କରାଯାଇଥିଲା। ଏହା ଦେଖାଗଲା ଯେ ଏହି ଖପୁରୀ ପ୍ରାଚୀନ କାଳର ଏବଂ ଏହି ଖପୁରୀ ୮ ହଜାର ବର୍ଷ ପୂର୍ବର ବୋଲି ଜଣାପଡ଼ିଥିଲା। ବିଶ୍ୱାସ କରାଯାଏ ଯେ ଥରେ ମରୁଡ଼ି ଯୋଗୁଁ ନଦୀର ଜଳସ୍ତର ହ୍ରାସ ପାଇଥିଲା। ଯାହା ପରେ ନଦୀରେ ଏହି ଖପୁରୀ ଦେଖାଯାଇଥିଲା। ଫୋରେନସିକ୍ ଅନୁସନ୍ଧାନରୁ ଜଣାପଡିଛି ଯେ ଏହି ଖପୁରୀରେ ଆଘାତ ଚିହ୍ନ ରହିଛି। ତେବେ ଆଜି ମଧ୍ୟ ଏହି ନଦୀର ରହସ୍ୟ ସେମିତି ରହସ୍ୟମୟ ହୋଇ ରହିଛି।
Comments are closed.