ଭୁବନେଶ୍ୱର: କେନ୍ଦ୍ର ବିଦେଶ ମନ୍ତ୍ରୀ ଏସ୍ ଜୟଶଙ୍କର ରାଜ୍ୟସଭା ନିର୍ବାଚନରେ ଗୁଜରାଟରୁ ନାମାଙ୍କନ ପତ୍ର ଦାଖଲ କରିବେ । ଜୟଶଙ୍କରଙ୍କ ରାଜ୍ୟସଭା କାର୍ଯକାଳ ଅଗଷ୍ଟ ମାସରେ ଶେଷ ହେବ । ତେଣୁ ଏହା ପୂର୍ବରୁ ସେ ରାଜ୍ୟସଭା ନିର୍ବାଚନରେ ସେ ଭାଗ ନେଇ ପାରନ୍ତି ବୋଲି କୁହାଯାଉଛି ।
ସୂଚନାଥାଉ କି, ଦେଶର ଖୁବଶୀଘ୍ର ୧୦ଟି ରାଜ୍ୟସଭା ସିଟରେ ହେବାକୁ ଯାଉଛି ନିର୍ବାଚନ । ଜୁଲାଇ ୨୪ ତାରିଖରେ ହେବ ମତଦାନ କରାଯିବ ବୋଲି ଦିନ ଧାର୍ଯ୍ୟ ହୋଇଛି । ରାଜ୍ୟସଭା ସିଟ୍ ମଧ୍ୟରୁ ୬ଟି ପଶ୍ଚିମବଙ୍ଗରୁ ଥିବାବେଳେ, ଗୁଜରାଟରୁ ୩ଟି ଏବଂ ଗୋଆରୁ ଗୋଟିଏ ରାଜ୍ୟସଭା ସିଟ୍ ରହିଛି ।
ଜୟଶଙ୍କରଙ୍କ ବ୍ୟତୀତ ଗୁଜରାଟର ରାଜ୍ୟସଭା ସାଂସଦ ଦିନେଶ ଜମେଲଭାଇ ଅନାବଡିୟା ଏବଂ ଲୋଖଣ୍ଡବାଲା ଜୁଗଲ ସିଂଙ୍କ କାର୍ଯ୍ୟକାଳ ମଧ୍ୟ ଅଗଷ୍ଟରେ ଶେଷ ହେଉଛି । ଏତଦବ୍ୟତୀତ ଗୋଆର ବିନୟ ତେନ୍ଦୁଲକରଙ୍କ କାର୍ଯ୍ୟକାଳ ଜୁଲାଇ ୨୮ ତାରିଖରେ ଶେଷ ହେଉଥିବାବେଳେ ଡେରେକ୍ ଓ ବ୍ରାଏନ୍, ଡୋଲା ସେନ୍, ସୁଷ୍ମିତା ଦେବ, ଶୁଖେନ୍ଦୁ ଶେଖର, ପ୍ରଦୀପ ଭଟ୍ଟାଚାର୍ଯ୍ୟ ଏବଂ ଶାନ୍ତା ଛେତ୍ରୀଙ୍କ କାର୍ଯ୍ୟକାଳ ମଧ୍ୟ ଅଗଷ୍ଟ ୧୮ରେ ଶେଷ ହେଉଛି ।
ଏଥିପାଇଁ ଜୁଲାଇ ୬ ତାରିଖରେ ଏଥିପାଇଁ ବିଜ୍ଞପ୍ତି ପ୍ରକାଶ ପାଇବ । ଜୁଲାଇ ୧୩ ସୁଦ୍ଧା ନିଜର ନାମାଙ୍କନ ଦାଖଲ ହେବାକୁ ଥିବାବେଳେ ଜୁଲାଇ ୧୭ ତାରିଖ ନାମାଙ୍କନ ପତ୍ର ପ୍ରତ୍ୟାହାରର ଶେଷ ତାରିଖ ରହିଛି । ଜୁଲାଇ ୨୪ ତାରିଖରେ ଭୋଟଗ୍ରହଣ ହେଇ, ମତଗଣନା ଘୋଷଣା ହେବ ।
Comments are closed.