ସାପ ବିଷାକ୍ତ ହେଉ ବା ନ ହେଉ କିନ୍ତୁ ସାପର ନାଁ ଶୁଣିଲେ ଲୋକେ ଭୟଭୀତ ହୋଇଥାନ୍ତି । ଦୁନିିଆରେ ଅନେକ ଲୋକ ଅଛନ୍ତି, ଯେଉଁମାନେ ସାପକୁୁ ଘରେ ରଖିବାକୁ ପସନ୍ଦ କରନ୍ତିି । ପାଳିତ କୁକୁର ଏବଂ ବିଲେଇମାନଙ୍କ ପରି ସାପଗୁଡ଼ିକର ଯତ୍ନ ବି ନେଇଥାନ୍ତି । ଆପଣ ବିପଜ୍ଜନକ ସାପ ବିଷୟରେ ଶୁଣିଥିବେ ନିଶ୍ଚୟ । କିନ୍ତୁ ଦୁନିଆର ସବୁଠୁ ସୁନ୍ଦର ସାପ ବିଷୟରେ କେବେ ଶୁଣିଛନ୍ତି କି? ଏବେ ସୋସିଆଲ ମିଡିଆରେ ଏକ ସୁନ୍ଦର ସାପର ଭିଡିଓ ଭାଇରାଲ ହେଉଛି । ଏହି ସାପର ସୌନ୍ଦର୍ଯ୍ୟ ଦେଖି ଲୋକମାନେ ବିସ୍ମିତ ହୋଇଯାଇଛନ୍ତି ।
ଭାଇରାଲ ହେଉଥିବା ଭିଡ଼ିଓରେ ଦେଖିବାକୁ ମିିଳିଛି ଯେ, ଏହି ସାପ ସବୁଜ ଘାସ ଉପରେ ଧଳା ଫୁଲ ଭିତରେ ଯାଉଥିବା ନଜର ଆସିଥିଲା । ଏହି ସାପଟି ସମ୍ପୂର୍ଣ୍ଣ ଭାବେ ଧଳା ରଙ୍ଗର ହୋଇଥିବା ବେଳେ ଉପରି ଭାଗରେ କଳା ରଙ୍ଗର ଚିହ୍ନ ରହିଛି । ଏହି ପ୍ରଜାତିର ସାପ ନିଜର ସୌନ୍ଦର୍ଯ୍ୟ ପାଇଁ ବେଶ୍ ଜଣାଶୁଣା । ଏହା ସମସ୍ତଙ୍କ ହୃଦୟ ଜିତିଥାଏ । ଏହା ଦେଖିବାକୁ ସୁନ୍ଦର ହୋଇଥିଲେ ମଧ୍ୟ ବହୁତ ବିଷାକ୍ତ ଅଟେ । ତେବେ ଏହି ସାପ ନିର୍ଦ୍ଧିଷ୍ଟ ଭାବେ ପୃଥିବୀର କେଉଁ ଅଞ୍ଚଳରେ ବସବାସ କରନ୍ତି ଏବଂ ସେମାନଙ୍କର ବିଶେଷତ୍ୱ କ’ଣ ତାହା ଉପରେ ଅଧିକ ପରୀକ୍ଷା ନୀରିକ୍ଷାର ଆବଶ୍ୟକତା ରହିଛି ବୋଲି ଅନେକ ମତ ରଖିଛନ୍ତି ।
ଏହି ଭିଡ଼ିଓ ଦେଖିବା ପରେ ଲୋକେ ଏହାକୁ ଖୁବ୍ ପସନ୍ଦ କରିଛନ୍ତି । ଅନେକ ଲୋକ ଏହି ଭିଡିଓ ଉପରେ ଭିନ୍ନ ଭିନ୍ନ ମନ୍ତବ୍ୟ ବି ଦେଇଛନ୍ତି । ଜଣେ ଲେଖିଛନ୍ତି ଯେ, ଯେଭଳି ସୁନ୍ଦରୀ ଝିଅମାନେ ଲୋକଙ୍କୁ ଫାଶରେ ପକାଇ ବିଷରେ ହତ୍ୟା କରନ୍ତି । ଠିକ୍ ସେହିପରି ଏହି ସାପଟି ଲାଗୁଛି ।
Comments are closed.