ବମ୍ବେ: ବଲିଉଡ଼ର ଭାଇଜାନ୍ ତଥା ସଲମାନ ଖାନ୍ ଏବେ ଖୁବ୍ ଚର୍ଚ୍ଚାରେ । ବିଗ୍ବସ୍ ଓଟିଟି ସିଜିନ ୨ ଶୋକୁ ସଲମାନ ହାତରେ ସିଗାରେଟ୍ ଧରି ହୋଷ୍ଟ କରିଥିବା ନଜର ଆସିଛନ୍ତି । ଏହାର ଅନେକ ଭିଡିଓ ଏବଂ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡ଼ିଓ ଓ ଫଟୋ ଦେଖିବା ପରେ ଭାଇଜାନଙ୍କ ଏପରି ଆଚରଣଙ୍କୁ ତାଙ୍କ ପ୍ରଶଂସକମାନେ ନାପସନ୍ଦ କରିଛନ୍ତି ।
ବିଗ୍ବସ୍ ଓଟିଟି ସିଜିନ ୨ ପ୍ରସାରିତ ହେବା ଦିନଠାରୁ ଚର୍ଚ୍ଚାରେ ରହିଆସିଛି । ଗତ ସପ୍ତାହରେ ପ୍ରସାରିତ ହୋଇଥିବା ଏପିସୋଡରେ ସଲମାନ ହାତରେ ସିଗାରେଟ୍ ଧରିଥିବା ଦେଖିବାକୁ ମିଳିଥିଲା । ଏଥିସହିତ ଉକ୍ତ ଏପିସୋଡରେ ସଲମାନ ଅସଭ୍ୟ ଭାଷା ପ୍ରୟୋଗ କରିଥିବା ନଜର ଆସିଛନ୍ତି ।
ବିଗ୍ବସ୍ ଓଟିଟି ଜିଓ ସିନେମାରେ ପ୍ରସାରିତ ହେଉଛି । ଏଥିରେ ପୂଜା ଭଟ୍ଟ, ମନିଶା ରାନୀ, ସାଇରସ ବରୁଚା,ଅଭିଶେକ ମଲହାନ, ଜିୟା ଶଙ୍କର, ଜାଦ ହାଦିଦ, ଫଲକ ନାଜ,ଅବିନାଶ ସଚଦେବ, ବେବିକା ଧ୍ରୁବେ ପ୍ରମୁଖ ପ୍ରତିଯୋଗୀ ସାଜିଛନ୍ତି ।
Comments are closed.