ନୂଆଦିଲ୍ଲୀ: ରାଜ୍ୟସଭାରୁ ସସପେଣ୍ଡ ହେଲେ ଆପ ସାସଂଦ ସଞ୍ଜୟ ସିଂହ । ସଞ୍ଜୟ ସିଂହଙ୍କୁ ରାଜ୍ୟ ସଭା ଅଧ୍ୟକ୍ଷ ଜଗଦୀପ ଧନଖଡ ସସପେଣ୍ଡ କରିଛନ୍ତି । ସଂସଦର ମୌସୁମୀ ଅଧିବେଶନର ବଳକା କାର୍ଯ୍ୟ ଦିବସରେ ସଞ୍ଜୟ ସିଂହ ଯୋଗ ଦେଇ ପାରିବେ ନାହିଁ । ମଣିପୁର ପ୍ରସଙ୍ଗକୁ ନେଇ ସଞ୍ଜୟ ସିଂହ ବିରୋଧ ପ୍ରଦର୍ଶନ କରୁଥିବାବେଳେ ତାଙ୍କୁ ସସପେଣ୍ଡ କରାଯାଇଛି ।
ଆଜି ସଂସଦର କାର୍ଯ୍ୟକାଳ ଚାଲିଥିବାବେଳେ ସାଂସଦ ପ୍ରଶ୍ନ ପଚାରୁଥିଲେ । ଏହି ସମୟରେ ସାଂସଦ ସଞ୍ଜୟ ସିଂହ ଚେୟାରମ୍ୟାନଙ୍କ ଚେୟାର ସାମ୍ନାକୁ ଆସି ଉଚ୍ଚ ସ୍ୱରରେ ଚିତ୍କାର କରୁଥିଲେ । ସେ ଆସନ ଆଡକୁ ହାତ କରିଥିଲେ । ଏହି ସମୟରେ ଅଧ୍ୟକ୍ଷ ଜଗଦୀପ ଧନଖଡ ତାଙ୍କୁ ବାରମ୍ବାର ନିଜ ସିଟକୁ ଯିବା ପାଇଁ କହିଥିଲେ । ହେଲେ ସେ ଶୁଣି ନ ଥିଲେ ।
ଏହାପରେ ସଭାପତି ଧନଖଡ କହିଥିଲେ, ‘ମୁଁ ସଞ୍ଜୟ ସିଂହଙ୍କ ନାଁ ନେଉଛି..’ ଏହା କହି ସେ ସଦନର ନେତା ପୀୟୂଷ ଗୋୟଲଙ୍କ ଆଡକୁ ଚାହିଁଲେ ।
ପୀୟୂଷ ଗୋୟଲ କହିଥିଲେ, ‘ସଞ୍ଜୟ ସିଂହଙ୍କ ବ୍ୟବହାର ଅସହ୍ୟ ହେଉଛି । ଏପରି ବ୍ୟବହାର ସଦନର ନିୟମ ବିରୁଦ୍ଧ ।’ ଗୋୟଲ କହିଥିଲେ, ‘ମୁଁ ସଭାପତିଙ୍କୁ ଅନୁରୋଧ କରୁଛି ସଞ୍ଜୟ ସିଂହଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ ।’
ସରକାର ସଞ୍ଜୟ ସିଂହଙ୍କ ସସପେନସନ ପ୍ରସ୍ତାବ ଆଣିବା ପରେ ତାଙ୍କୁ ପୁରା ମୌସୁମୀ ଅଧିବେଶନକୁ ସସପେଣ୍ଡ କରାଯାଇଥିବା ଘୋଷଣା କରିଥିଲେ ଅଧ୍ୟକ୍ଷ ଜଗଦୀପ ଧନଖଡ ।
Comments are closed.