‘ଅଣ ଓଡ଼ିଆ ବିଭିନ୍ନ ପ୍ଲଟ କିଣିବାରେ ବ୍ୟସ୍ତ, ରାଜ୍ୟର ଚାଷୀ କୁଆଡେ ଯିବେ?’

ଭୁବନେଶ୍ୱର: ବିଜେପି ସାଂସଦ ଅପରାଜିତା ଷଡ଼ଙ୍ଗୀ ଶୁକ୍ରବାର ପ୍ରଶ୍ନ କରିଛନ୍ତି ଯେ ଜଣେ ଅଣଓଡ଼ିଆ ବ୍ୟକ୍ତି ଉଚ୍ଚ ଓ ପ୍ରଭାବଶାଳୀ ବ୍ୟକ୍ତିଙ୍କ ସହାୟତାରେ ଭୁବନେଶ୍ୱରର ବିଭିନ୍ନ ସ୍ଥାନରେ ଜମି କିଣୁଛନ୍ତି।

ନିଜ ଟ୍ୱିଟର ହ୍ୟାଣ୍ଡେଲରେ ସାଂସଦ ଟ୍ୱିଟ୍ କରି ଲେଖିଛନ୍ତି, ଭୁବନେଶ୍ୱରର ବିଭିନ୍ନ ସ୍ଥାନରେ ଜଣେ ଜମି କିଣୁଥିବା ପ୍ରଭାକରନ ଜମି ପ୍ୟାଚ୍ କିଣିଥିବା ନେଇ ଲୋକେ ଅଭିଯୋଗ କରିଆସୁଛନ୍ତି। ଯଦି ଉଚ୍ଚ ଏବଂ ଶକ୍ତିଶାଳୀଙ୍କ ସମର୍ଥନରେ ଏଭଳି ଛୋଟ ପ୍ଲଟ କିଣାଯାଏ, ତେବେ ଓଡିଶାର କୃଷକମାନେ କୁଆଡେ ଯିବେ? ଛତିଶଗଡ଼ ଓ ଝାଡ଼ଖଣ୍ଡକୁ କି ବୋଲି ପ୍ରଶ୍ନ କରିଛନ୍ତି।

ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେଉଥିବା ବେଳେ ସେ କହିଛନ୍ତି, ଚନ୍ଦକା ଅଞ୍ଚଳର ଲୋକେ ମୋ ପାଖକୁ କାନ୍ଦି କାନ୍ଦି ଆସିଥିଲେ। ସେମାନଙ୍କ ଜମିକୁ ଜବରଦଖଲ କରାଯାଇଥିବା ସେମାନେ ଅଭିଯୋଗ କରିଛନ୍ତି। ଅଣ ଓଡିଆ ମାନେ ବଳ ପ୍ରୟୋଗ କରି ଆମ ଓଡିଆ ଲୋକଙ୍କ ଠାରୁ ଜମିର ଛୋଟ ଛୋଟ ପ୍ଲଟ କିଣୁଛନ୍ତି। ଅଭିଯୋଗ ପାଇବା ପରେ ମୁଁ ଚନ୍ଦକା ଅଞ୍ଚଳ ପରିଦର୍ଶନ କରି କେଉଁଠି ଜମି କିଣା ଯାଇଛି ତାହା ଦେଖିଛି।

ଏହାର ଉତ୍ତରରେ କିରୁଥିକା ପ୍ରଭାକରନ୍ କହିଥିଲେ ଯେ ସେ ଆଇନ ଅନୁସାରେ ଜମି କିଣିଛନ୍ତି। ଜଣେ ଭାରତୀୟ ନାଗରିକ ଭାବେ ମୋର ଜମି କିଣିବା ଅଧିକାର ରହିଛି। ସେ ଆହୁରି ମଧ୍ୟ କହିଛନ୍ତି, “ମୁଁ ଜବରଦଖଲ କରି ଜମି କିଣିନାହିଁ।

ଉଲ୍ଲେଖଯୋଗ୍ୟ, ନିକଟରେ ମଧ୍ୟ ଏକ ଦଳୀୟ କାର୍ଯ୍ୟକ୍ରମରେ ଅପରାଜିତା କହିଥିଲେ ଏବେ ଅଣ ଓଡିଆ ରାଜ୍ୟର ବିଭିନ୍ନ ଜିଲ୍ଲାରେ ଜମି କିଣିବାରେ ବ୍ୟସ୍ତ। ଏଥିପାଇଁ ଉଚ୍ଚ ଅଧିକାରୀ ସହଯୋଗ କରୁଛନ୍ତି। ଅଣ ଓଡିିଆ ଚାଷୀଙ୍କ ଚାଷ ଜମି କିଣିନେବା ପରେ ଓଡ଼ିଆ ମାନେ ଆଗକୁ ଅନକେ ଅଡୁଆରେ ପଡ଼ିବେ ବୋଲି ସେ କହିଥିଲେ। ଆଜି ପ୍ରଥମ ଥର ପାଇଁ ଜମି କିଏ କିଣୁଛି ବୋଲି ସାର୍ବଜନୀନ କରିଛନ୍ତି।