‘ଆମ ଦୁହିଁଙ୍କର ଆଉ କେବେ ଦେଖା ନ ହେଉ’… KBCର ମଞ୍ଚରେ ଏମିତି କାହିଁକି କହିଲେ ଅମିତାଭ, ଜାଣନ୍ତୁ କାରଣ …

ମୁମ୍ବାଇ: ଟିଭି ପରଦାର ମୋଷ୍ଟ ପପୁଲାର କ୍ଵିଜ୍ ସୋ କନ ବନେଗା କରୋଡପତିର ନୁଆ ସିଜିନ ପୁଣିଥରେ ଟେଲିଭିଜନ ପରଦାରେ ଆସିବାକୁ ଯାଉଛି । ସିଜିନ-୧୫ର ଅନେକ ଗୁଡ଼ିଏ ପ୍ରୋମୋ ସୋସିଆଲ ମିଡିଆରେ ଏପର୍ଯ୍ୟନ୍ତ ରିଲିଜ ହୋଇସାରିଲାଣି । ତେବେ ରିଲିଜ ହୋଇଥିବା ପ୍ରୋମୋରେ ଅମିତାଭ୍ ବଚ୍ଚନ ଓ ପ୍ରତିଯୋଗୀଙ୍କ ମଧ୍ୟରେ ଅନେକ ମଜାଦାର ଝଲକ୍ ଦେଖିବାକୁ ମିଳୁଛି । ଏକ ପ୍ରୋମୋରେ ଅମିତାଭ୍ ବଚ୍ଚନ  ଇନକମ ଟ୍ୟାକ୍ସ ଅଫିସର ହେବାକୁ ଚାହୁଁଥିବା ଜଣେ ପ୍ରତିଯୋଗୀକୁ ପ୍ରଥମେ ଶୁଭକାମନା ଦେବା ସହ ମଜାଳିଆ ଅନ୍ଦାଜରେ ଆମ ଦୁହିଁଙ୍କର ଆଉ କେବେ ଦେଖା ନ ହେଉ ବୋଲି କହୁଥିବା ଦେଖିବାକୁ ମିଳିଛି ।

ରିଲିଜ ହୋଇଥିବା କନ୍ ବନେଗା କରୋଡପତି ସିଜିନ-୧୫ର ନୁଆ ପ୍ରୋମୋରେ ଦେଖିବାକୁ ମିଳୁଛି ଯେ, ଜଣେ ପ୍ରତିଯୋଗୀ କହିଛନ୍ତି କି ଲୋକମାନଙ୍କର ପ୍ରଥମ ଦରମା ୧୦ହଜାର ଥିବାବେଳେ ମୋର ୮୦ହଜାର ହେବ । କାରଣ ମୁଁ ଏକ ଇନକମ ଟ୍ୟାକ୍ସ ଅଫିସର ହେବକୁ ଚାହେଁ ଏବଂ ସେଥିପାଇଁ ମୁ ଦିଲ୍ଲୀର ଏକ କୋଚିଙ୍ଗ ସେଣ୍ଟରରେ ଆଡମିସନ କରିବାକୁ ଯାଉଛି ଯାହାର ଫିସ୍ ୮୦ହଜାର ଅଟେ । ଏହା ଶୁଣି ଅମିତାଭ ବଚ୍ଚନ ପ୍ରତିଯୋଗୀଙ୍କୁ ଏହି ମଞ୍ଚରୁ ୮୦ହଜାର ରୁ ଅଧିକ ଟଙ୍କା ଜିତିବା ପାଇଁ ଶୁଭକାମନା ଦେବା ସହ ଆପଣ ଇନକମ ଟ୍ୟାକ୍ସ ଅଫିସର ବନନ୍ତୁ ଓ ଆମ ଦୁଇଜଣଙ୍କର ଆଉ କେବେ ଦେଖା ନ ହେଉ ବୋଲି କହିଛନ୍ତି । ଅମିତାଭ ବଚ୍ଚନଙ୍କ ଏହି କଥା ଶୁଣି ପ୍ରତିଯୋଗୀଙ୍କ ସହ ଅଡିଏନ୍ସଙ୍କ ମଧ୍ୟରେ ହସର ଗୁଞ୍ଜରଣ ଖେଳିଯାଇଥିଲା ।

ସୂଚନାଯୋଗ୍ୟ ଯେ, କନ୍ ବନେଗା କରୋଡପତି ସିଜିନ-୧୫ ଆସନ୍ତା ୧୪ ଅଗଷ୍ଟରୁ ରାତି ୯ଟାରେ ସୋନି ଟିଭିରେ ପ୍ରସାରିତ ହେବାକୁ ଯାଉଛି । କୁହାଯାଉଛି କି ଏଥରକ KBCରେ କିଛି ନୁଆ ଦେଖିବାକୁ ମିଳିବ ଯାହା ଅମିତାଭ୍ ବଚ୍ଚନଙ୍କ ଏହି ସୋ କୁ ଆହୁରି କୌତୁହଳପୁର୍ଣ୍ଣ ଲାଗିବ ।