କାଠମାଣ୍ଡୁ: ନେପାଳରେ ଘଟିଛି ଭୟଙ୍କର ସଡକ ଦୁର୍ଘଟଣା । ଏକ ଭାରତୀୟ ତୀର୍ଥଯାତ୍ରୀ ବସ ଦୁର୍ଘଟଣାଗ୍ରସ୍ତ ହୋଇଛି । ଭାରସାମ୍ୟ ହରାଇ ରାସ୍ତାରୁ ୫୦ ମିଟର ତଳକୁ ବସଟି ଖସିପଡିଛି । ଦୁର୍ଘଟଣାରେ ୭ ଜଣ ଭାରତୀୟଙ୍କ ତୀର୍ଥଯାତ୍ରୀଙ୍କ ମୃତ୍ୟୁ ହୋଇଥିବା ବେଳେ ୧୯ ଜଣ ଆହତ ହୋଇଥିବା ନେଇ ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ, ନେପାଳର ବାରା ଜିଲ୍ଲାରେ ଆଜି ସକାଳେ ଏହି ଦୁର୍ଘଟଣା ଘଟିଛି । ଏକ ତୀର୍ଥଯାତ୍ରୀ ବସ୍ କାଠମାଣ୍ଡୁରୁ ଜନକପୁର ଅଭିମୁଖେ ଯାତ୍ରା କରୁଥିଲା । ଯେଉଁଥିରେ ସମସ୍ତ ଯାତ୍ରୀ ଭାରତୀୟ ଥିଲେ । ବାରା ଜିଲ୍ଲାର ଚୁରିଆମାଇରେ ଭାରସାମ୍ୟ ହରାଇ ବସଟି ୫୦ ମିଟର ଥିବା ଏକ ନଦୀ କୂଳରେ ଖସିପଡ଼ିଥିଲା । ବସ୍ରେ ଡ୍ରାଇଭର ଓ ହେଲ୍ପରଙ୍କୁ ମିଶାଇ ମୋଟ ୨୭ ଜଣ ଯାତ୍ରୀ ଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିଲା । ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ହସ୍ପିଟାଲ ପଠାଇଥିବା ବେଳେ ଆହତଙ୍କୁ ଚିକିତ୍ସା ନିମନ୍ତେ ହସ୍ପିଟାଲରେ ଭର୍ତ୍ତି କରାଯାଇଥିଲା । ମୃତକ ମାନଙ୍କ ପରିଚୟ ମିଳିନଥିବା ବେଳେ ସେମାନଙ୍କ ମଧ୍ୟରୁ ୬ଜଣ ରାଜସ୍ଥାନର ଓ ଜଣେ ନେପାଳର ହୋଇଥିବା ଜଣାପଡ଼ିଛି ।
Comments are closed.