ମୁମ୍ବାଇ: କାନ୍ତାରା ଫିଲ୍ମର ଅଦ୍ଭୁତପୂର୍ବ ସଫଳତାରେ ପରେ ଏହାର ମେକର୍ସ ଏବେ ପ୍ରିକ୍ୱେଲ ଉପରେ କାମ କରୁଛନ୍ତି । କାନ୍ତାରା ତୁଳନାରେ କାନ୍ତାରା ୨ର ବଜେଟକୁ ୭ଗୁଣା ବଢ଼ାଯାଇଛି । ଏହା ଦ୍ୱାରା ଫିଲ୍ମ ଆହୁରି ଦର୍ଶକଙ୍କୁ ଅଧିକ ପସନ୍ଦ ଆସିବ ବୋଲି ମେକର୍ସ ଆଶା ବ୍ୟକ୍ତ କରିଛନ୍ତି । ପ୍ରଥମ ସଂସ୍କରଣର ବଜେଟ ୧୬ କୋଟି ଥିବା ବେଳେ ଏବେ ଏହାକୁ ୧୨୫ କୋଟି ବ୍ୟୟରେ ନିର୍ମିତ କରାଯାଉଛି । କାନ୍ତାରା ବକ୍ସ ଅଫିସରେ ୩୯୮ କୋଟି ଆୟ କରିଥିଲା । ପ୍ରିକ୍ୱେଲର କାହାଣୀ ପୁଂଜଲୀ ଦେବୀଙ୍କ ଉପରେ ଆଧାରିତ ହେବ । କେଜିଏଫ ୨ର ରେକର୍ଡକୁ ଭାଙ୍ଗି କାନ୍ତାରା ଏବେ କନ୍ନଡ ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ଲାଭଦାୟକ ଫିଲ୍ମ ହୋଇଛି ।
ଚଳିତ ବର୍ଷ ନଭେମ୍ବରରୁ ଏହାର ଶୁଟିଂ ଆରମ୍ଭ ହେବ । ଯେତେଦୂର ସମ୍ଭବ ଆସନ୍ତା ବର୍ଷ ଫିଲ୍ମ ରିଲିଜ ହେବ ବୋଲି ମେକର୍ସଙ୍କ ପକ୍ଷରୁ କୁହାଯାଇଛି । କାନ୍ତାରା ୨ରେ କାନ୍ତାରର ପୂର୍ବ କାହାଣୀ ପ୍ରଦର୍ଶିତ ହେବ । ଭୂତ କୋଲା ପରମ୍ପରା ଉପରେ ଏହି ଫିଲ୍ମ ଆଧାରିତ । ରିଷଭ ଶେଟ୍ଟୀ ପ୍ରଥମ ପାର୍ଟର ଅଭିନେତା, ନିର୍ଦ୍ଦେଶକ ଓ ପ୍ରଡ୍ୟୁସର ସାଜିଥିଲେ ।
Comments are closed.