ପାଟନା: ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ଆଜିକାଲି ବିହାରରେ ଜନସୁରାଜ ଯାତ୍ରା କରୁଛନ୍ତି। ସେ ଗାଁ ଗାଁ ବୁଲି ଲୋକଙ୍କୁ ଭେଟୁଛନ୍ତି। ଅନୁମାନ କରାଯାଉଛି ଯେ ସେ ଆଗାମୀ ଲୋକସଭା ନିର୍ବାଚନ ପୂର୍ବରୁ ନିଜ ଦଳ ଆରମ୍ଭ କରିବେ ଏବଂ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ। ଅନ୍ୟପଟେ ପ୍ରଶାନ୍ତ କିଶୋର ନୀତିଶ କୁମାରଙ୍କୁ ନେଇ କଡ଼ା ସମାଲୋଚନା କରିଛନ୍ତି। ପ୍ରଶାନ୍ତ କିଶୋର କହିଛନ୍ତି, ନୀତିଶ ଉଭୟ ନୌକାରେ ପାଦ ଦେବାକୁ ଚାହାଁନ୍ତି। ନୀତିଶଙ୍କ ରାାତନୀତିରେ ନିଜସ୍ୱ ରଣନୀତି ରହିଛି।
ଜି-୨୦ରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ୱାରା ଆୟୋଜିତ ରାତ୍ରୀ ଭୋଜନରେ ବହୁ ରାଜ୍ୟର ମୁଖ୍ୟମନ୍ତ୍ରୀ ଯୋଗ ଦେଇଥିଲେ। ଭୋଜିରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ମଧ୍ୟ ପହଞ୍ଚିଥିଲେ। ଏଭଳି ପରିସ୍ଥିତିରେ ପ୍ରଶାନ୍ତ କିଶୋର ନୀତୀଶଙ୍କୁ କଡ଼ା ସମାଲୋଚନା କରିଛନ୍ତି। ପ୍ରଶାନ୍ତ କିଶୋର କହିଛନ୍ତି ଯେ ଜି-୨୦ର ବାହାନା କରି ନୀତୀଶ କୁମାର ଏନଡିଏ ଲୋକଙ୍କୁ ବାର୍ତ୍ତା ଦେବା ପାଇଁ ଦିଲ୍ଲୀ ଯାଇଥିଲେ। ଯଦି ଏନଡିଏ ନୀତିଶଙ୍କ ପ୍ରତି ଧ୍ୟାନ ନଦିଅନ୍ତି ତେବେ ସେ ମଧ୍ୟ ସେଠାକୁ ଯାଇପାରିବେ। ଇଣ୍ଡିଆ ଯଦି ନୀତିଶଙ୍କ ପାଇଁ ଦ୍ୱାର ତେବେ ଏନଡିଏ ହେଉଛି ତାଙ୍କ ପାଇଁ ଝରକା। ଉଭୟ ଦଳକୁ ନୀତିଶ ହାତ କରି ରଖିବାକୁ ଚାହାଁନ୍ତି।
ପ୍ରଶାନ୍ତ କିଶୋର କହିଛନ୍ତି ନୀତିଶ ଭାରି ଚତୁର। ତାଙ୍କର ରାଜନୀତି କରିବାର ନିଜସ୍ୱ ରଣନୀତି ଅଛି। କେତେବେଳେ କାଳେ କ’ଣ ଆବଶ୍ୟକ ହେବ। ତେଣୁ ସେ ଉଭୟ ପଟେ ନିଜର ରାସ୍ତା ଖୋଲା ରଖିଛନ୍ତି। ପ୍ରଶାନ୍ତ କିଶୋର କହିଛନ୍ତି ଇଣ୍ଡିଆ ମେଣ୍ଟ ହେଉଛି ନୀତିଶଙ୍କ ଘର କବାଟ ଏବଂ ଝରକା ହେଉଛି ଏନଡିଏ ଯାହାର ରାଜ୍ୟସଭା ସଦସ୍ୟ ହେଉଛନ୍ତି ହରିବଂଶ ନାରାୟଣ। ହରିବଂଶଙ୍କ ମାଧ୍ୟମରେ ସେ ବିଜେପି ସହ ଯୋଗାଯୋଗରେ ଅଛନ୍ତି। ବିହାରରେ ନୀତୀଶ କୁମାରଙ୍କ ରାଜନୀତି ସମସ୍ତଙ୍କୁ ଜଣା। ସୂଚନା ଥାଉକି, ଆସନ୍ତା ନିର୍ବାଚନକୁ ଦୃଷ୍ଟିରେ ରଖି ବିରୋଧୀ ଦଳ ଏକତା ହୋଇ ମେଣ୍ଟ ଇଣ୍ଡିଆ ଗଠନ କରିଥିବା ବେଳେ ଜେଡିୟୁ ଏବଂ ଆରଜେଡି ବିଜେପି ସହ ଏନଡିଏରେ ଅନ୍ତର୍ଭୁକ୍ତ। ହେଲେ ବର୍ତ୍ତମାନ ନୀତିଶ କୁମାନଙ୍କୁ ନେଇ କଡ଼ା ସମାଲୋଚନା କରାଯାଉଛି।
Comments are closed.