ମୁମ୍ବାଇ: ବିମାନରେ ଅଭିନେତ୍ରୀ ଗୌହର ଖାନଙ୍କ ଚଷମା ଚୋରି ହୋଇଯାଇଛି । ଏଥିପ୍ରତି ଦୃଷ୍ଟି ଦେବାକୁ ସେ ଏକ୍ସ ଜରିଆରେ ଏୟାରଲାଇନ୍ସକୁ ମଧ୍ୟ ଅନୁରୋଧ କରିଛନ୍ତି । ଗୌହର ଦୁବାଇରୁ ମୁମ୍ବାଇ ଫେରୁଥିବାବେଳେ ଏହି ଘଟଣା ଘଟିଛି । ତୁରନ୍ତ ଚୋରକୁ ଧରି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ସେ କହିଛନ୍ତି ।
ଗୌହର ଏୟାରଲାଇନ୍ସକୁ ଲେଖିଛନ୍ତି ଯେ, ଗତକାଲି ଦୁବାଇରୁ ମୁମ୍ବାଇ ଅଭିମୁଖେ ଯାତ୍ରା କରୁଥିଲି । ଏମିରେଟ୍ସ ବିମାନରେ ମୋର ଚଷମା ଚୋରି ହୋଇଗଲା । ମୁଁ ଅବତରଣ କରିବା ସମୟରେ ଏନେଇ ତୁରନ୍ତ ଇଣ୍ଡିଆନ ଏୟାରଲାଇନ୍ସ ସହିତ ଯୋଗାଯୋଗ କଲି । ମୋ ସିଟ ପକେଟରେ ଯେଉଁ ଚଷମା ଥିଲା ତାହା ସ୍ଥାନରେ ଅନ୍ୟ ଚଷମା ରଖାଯାଇଥିଲା । ମୁଁ ହେଲପ୍ଲାଇନ୍ ନମ୍ବରକୁ ବାରମ୍ବାର ଫୋନ୍ କରିଥିଲି । ହେଲେ କେହି ଉଠାଇ ନ ଥିଲେ । ପ୍ରମାଣ ସହିତ ଇମେଲ ବି ପଠାଇଲି, କୌଣସି ପ୍ରତିକ୍ରିୟା ନାହିଁ । ଦୟାକରି ସିସିଟିଭି ଯାଞ୍ଚ କରି ତୁରନ୍ତ ଚୋରକୁ ଧରନ୍ତୁ ।
Comments are closed.