ମୁମ୍ବାଇ: ପ୍ରଭାସଙ୍କ ଫିଲ୍ମ ସାଲାର ପାର୍ଟ ୧ ଡିସେମ୍ବର ୨୨ରେ ରିଲିଜ ହେବ । ନୂତନ ପୋଷ୍ଟରରେ ମେକର୍ସଙ୍କ ପକ୍ଷରୁ ଏହା ଉଲ୍ଲେଖ କରାଯାଇଛି । ଅପରପକ୍ଷରେ ଶାହାରୁଖ ଖାଁଙ୍କ ଡଙ୍କି ମଧ୍ୟ ସମାନ ତାରିଖରେ ରିଲିଜ ହେବ ବୋଲି ଚୂଡାନ୍ତ ହୋଇଛି । ଫଳରେ ଦୁଇ ସୁପରଷ୍ଟାର ଖ୍ରୀଷ୍ଟମାସରେ ମୁହାଁମୁହିଁ ହେବା ଏକ ପ୍ରକାର ନିଶ୍ଚିତ ହୋଇଯାଇଛି । ସାଲାର କିମ୍ବା ଡଙ୍କି କେହି ତାଙ୍କ ଫିଲ୍ମ ରିଲିଜ ଡେଟ ଘୁଂଚାଇବା ପାଇଁ ରାଜି ହେଉ ନାହାନ୍ତି । ପୂର୍ବରୁ ସାଲାର ସେପ୍ଟମ୍ବର ୨୮ରେ ରିଲିଜ ହେବ ବୋଲି ସ୍ଥିର ହୋଇଥିଲା । ତେବେ ପୋଷ୍ଟ ପ୍ରଡକ୍ସନ କାମ ଯୋଗୁ ଏଥିରେ ବିଳମ୍ବ ହୋଇଥିବା ବେଳେ ଜୱାନ ସହ ମୁହାଁମୁହିଁ ହେବ ନାହିଁ ବୋଲି ଏହାକୁ ଘୁଂଚାଯାଇଥିବା ଖବର ପ୍ରକାଶ ପାଇଥିଲା । ଯାହାକି ପ୍ରଭାସ ଏବଂ ମେକର୍ସଙ୍କ ଆତ୍ମ ସମ୍ମାନକୁ ଆଘାତ ଦେଇଥିଲା ।
ସାଲାରରରେ ପୃଥ୍ୱୀରାଜ ସୁକୁମାରନ, ଶ୍ରୁତି ହାସନ ଓ ଜଗପତି ବାବୁଙ୍କ ପରି କଳାକାର ରହିଛନ୍ତି । ଏହା ଆଇମାକ୍ସ ୪କେ ଭର୍ସନରେ ରିଲିଜ ହେବ । ଦର୍ଶକମାନେ ପ୍ରଥମ ଥର ପାଇଁ ଏକ ନୂତନ ଅନୁଭୂତି ପାଇବେ ବୋଲି ମେକର୍ସ ଆଶା ବ୍ୟକ୍ତି କରିଛନ୍ତି । ଡଙ୍କି ରାଜକୁମାର ହିରାନୀଙ୍କ ଫିଲ୍ମ ହୋଇଥିବାରୁ ହିନ୍ଦୀ ଦର୍ଶକ ଏଥିପ୍ରତି ବେଶ ଉତ୍ସୁକ ଅଛନ୍ତି । ପଠାନ ଓ ଯବାନ ୨ଟି ସୁପରହିଟ ଫିଲ୍ମ ଦେଇ ଶାହାରୁଖ ମଧ୍ୟ ଫର୍ମକୁ ଫେରିଛନ୍ତି । ଖ୍ରୀଷ୍ଟମାସ ଏହି ଲଢ଼େଇ ପ୍ରଶଂସକଙ୍କୁ ଦୁଇ ଭାଗରେ ଭାଗ କରିବ ବୋଲି ସମୀକ୍ଷକ ମାନେ ଚିନ୍ତା ବ୍ୟକ୍ତ କରିଛନ୍ତି ।
Comments are closed.