ନୂଆଦିଲ୍ଲୀ: ଫୁଟବଲ୍ ଇତିହାସର ଅନ୍ୟତମ ମହାନ ଖେଳାଳି କ୍ରିଷ୍ଟିଆନୋ ରୋନାଲ୍ଡୋ ଅନ୍ତର୍ଜାତୀୟ ଫୁଟବଲ୍ ରୁ ଅବସର ଘୋଷଣା କରିଛନ୍ତି। ୪୧ ବର୍ଷୀୟ ପୁ୍ର୍ତ୍ତୁଗାଲର ଷ୍ଟାର ଫୁଟବଲ ଖେଳାଳୀ ସୋସିଆଲ ମିଡିଆରେ ଏକ ଭିଡିଓ ଜାରି କରି ନିଜ ଅବସର ଘୋଷଣା କରିଛନ୍ତି ।
ଭିଡିଓ ବାର୍ତ୍ତାରେ ରୋନାଲ୍ଡୋ କହିଛନ୍ତି ଯେ, ପର୍ତ୍ତୁଗାଲର ୭ ନମ୍ବର ଜର୍ସି କେବଳ ତାଙ୍କ ପାଇଁ ନୁହେଁ, ବରଂ ସମଗ୍ର ଦେଶର ଆଶା ଏବଂ ସ୍ୱପ୍ନର ପ୍ରତୀକ। ସେ କହିଛନ୍ତି ଯେ ଗତ ୨୩ ବର୍ଷ ଧରି ଏହି ଜର୍ସି ପିନ୍ଧିବା, ଏହାର ସମ୍ମାନ ରକ୍ଷା କରିବା ଏବଂ ବିଶ୍ୱର ବିଭିନ୍ନ ଷ୍ଟାଡ଼ିୟମରେ ଏହାର ପ୍ରତିନିଧିତ୍ୱ କରିବା ଗର୍ବର ଏବଂ ଦାୟିତ୍ୱର ବିଷୟ ଥିଲା।
ରୋନାଲ୍ଡୋ ଅନ୍ତର୍ଜାତୀୟ ଫୁଟବଲ୍ ରେ ସର୍ବାଧିକ ସ୍କୋର କରିଛନ୍ତି। ଏହା ସହ ସର୍ବାଧିକ ମ୍ୟାଚ ଖେଳିଥିବା ଖେଳାଳି ଭାବରେ ବିଦାୟ ନେଇଛନ୍ତି। ରୋନାଲ୍ଡୋ ୨୩୪ଟି ଅନ୍ତର୍ଜାତୀୟ ମ୍ୟାଚ୍ ଖେଳିଥିବା ବେଳେ ୧୪୬ଟି ଗୋଲ କରିଛନ୍ତି ।
ରୋନାଲ୍ଡୋ ଗତ ଦୁଇ ଦଶନ୍ଧି ଧରି ପର୍ତ୍ତୁଗୀଜ୍ ଦଳର ମେରୁଦଣ୍ଡ ଥିଲେ। ତାଙ୍କ ଅଧିନାୟକତ୍ୱରେ, ପର୍ତ୍ତୁଗାଲ୍ ଐତିହାସିକ ୟୁରୋ ୨୦୧୬ ଟାଇଟଲ୍ ଜିତିଥିଲା। ଏହା ବ୍ୟତୀତ, ଦଳ ଦୁଇଥର UEFA Nations League ମଧ୍ୟ ଜିତିଥିଲା। ଛଅଟି FIFA ବିଶ୍ୱକପରେ ପର୍ତ୍ତୁଗାଲକୁ ପ୍ରତିନିଧିତ୍ୱ କରିଥିବା ରୋନାଲ୍ଡ ବିଶ୍ୱର କିଛି ଖେଳାଳିଙ୍କ ମଧ୍ୟରୁ ଜଣେ ଥିଲେ।
ରୋନାଲ୍ଡ ୨୩୪ଟି ମ୍ୟାଚ ଏବଂ ୧୪୬ଟି ଗୋଲ ସହିତ ତାଙ୍କର ଅନ୍ତର୍ଜାତୀୟ କ୍ୟାରିୟର ଶେଷ କରିଛନ୍ତି। ସେ ପୁରୁଷ ଅନ୍ତର୍ଜାତୀୟ ଫୁଟବଲ୍ ଇତିହାସରେ ସର୍ବାଧିକ ଗୋଲ ସ୍କୋର କରିଛନ୍ତି। ସେ ସର୍ବାଧିକ ଅନ୍ତର୍ଜାତୀୟ ଖେଳିବାର ରେକର୍ଡ ମଧ୍ୟ ରଖିଛନ୍ତି।
ରୋନାଲ୍ଡୋଙ୍କ ଶେଷ ଫିଫା ବିଶ୍ୱକପ୍ ଅଭିଯାନ ଆଶା ଅନୁଯାୟୀ ହୋଇନଥିଲା। ରାଉଣ୍ଡ ଅଫ୍ ୧୬ରେ ପର୍ତ୍ତୁଗାଲ ସ୍ପେନଠାରୁ ୧-୦ରେ ପରାସ୍ତ ହୋଇଥିଲା ଏବଂ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିଥିଲା।
ଅବସର ପୂର୍ବରୁ ରୋନାଲ୍ଡ ବିବାଦରେ ଫସିଥିଲେ। ତାଙ୍କ ଜାତୀୟ ଦଳର ମୁଖ୍ୟ ପ୍ରଶିକ୍ଷକ ଜର୍ଜସଙ୍କ ସହ ମତଭେଦ ଖବର ସାମ୍ନାକୁ ଆସିଥିଲା । ରିପୋର୍ଟ ଅନୁଯାୟୀ, ରୋନାଲ୍ଡ ଏକ ନେସନ୍ସ ଲିଗ୍ ମ୍ୟାଚ୍ ଖେଳିବାକୁ ମନା କରିଦେଇଥିଲେ । ଏହା ପରେ ତାଙ୍କୁ ୩୦ ଦିନ ପାଇଁ ନିଲମ୍ବିତ କରାଯାଇଥିଲା ।