ଧର୍ମଶାଳା: ଚଳିତ ଆଇସିସି ଦିନିକିଆ ବିଶ୍ୱକପ କ୍ରିକେଟରେ ଶନିବାର ଏକ ଲୋକ ସ୍କୋରିଂ ବାଂଲାଦେଶ ୬ ୱିକେଟରେ ଆଫଗାନିସ୍ତାନକୁ ପରାସ୍ତ କରି ବିଜୟ ଅଭିଯାନ ଆରମ୍ଭ କରିଛି । ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ୩୭.୨ ଓଭରରେ ୧୫୬ ରନରେ ଅଲଆଉଟ ହୋଇ ଯାଇଥିଲା । ରହମନୁଲ୍ଲା ଗୁରବାଜ ସର୍ବାଧିକ ୪୭ ରନ କରିଥିଲେ । ଶକିବ ଉଲ ହାସନ ଓ ମେହେଦି ହାସନ ମିରାଜ ୩ଟି ଲେଖାଁଏ ୱିକେଟ ହାସଲ କରି ଆଫଗାନିସ୍ତାନକୁ ଅସୁବିଧାରେ ପକାଇ ଦେଇଥିଲେ । ନିୟମିତ ବ୍ୟବଧାନରେ ୱିକେଟ ହରାଇବା ଯୋଗୁ ଆଫଗାନିସ୍ତାନ ବଡ ସ୍କୋର କରିପାରି ନଥିଲା ।
ଜବାବରେ ୧୫୭ ରନର ବିଜୟ ଲକ୍ଷ୍ୟକୁ ବାଂଲାଦେଶ ସହଜରେ ୩୪.୪ ଓଭରରେ ୪ ୱିକେଟ ହରାଇ ହାସଲ କରି ନେଇଥିଲା । ମେହେଦି ହାସନ ୫୭ ଓ ନଜମୁଲ ହୋସେନ ୫୯ ରନ କରି ମ୍ୟାଚକୁ ଏକତରଫା କରି ଦେଇଥିଲେ । ବାଂଲାଦେଶ ତାର ପରବର୍ତୀ ମୁକାବିଲାରେ ଅକ୍ଟୋବର ୧୦ରେ ଏଠାରେ ଇଂଲଣ୍ଡକୁ ଭେଟିବ । ଅପରପକ୍ଷରେ ଆଫଗାନିସ୍ତାନ ଅକ୍ଟୋବର ୧୧ରେ ଦିଲ୍ଲୀରେ ଭାରତକୁ ଭେଟିବ ।
Comments are closed.