ମୁମ୍ବାଇ: ଆଗକୁ ଆସୁଛି ବଲିଉଡ଼ ଅଭିନେତା ସଲମାନ ଖାଁ ଏବଂ ଅଭିନେତ୍ରୀ କ୍ୟାଟ୍ରିନା କୈଫଙ୍କ ଅଭିନିତ ଫିଲ୍ମ ଟାଇଗର ୩ । ଏହି ଫିଲ୍ମର ରିଲିଜ ତାରିଖ ଯେତେ ପାଖେଇ ଆସୁଛି ପ୍ରଶଂସକମାନଙ୍କ ମଧ୍ୟରେ ଉତ୍ସାହ ସେତେ ବଢିବାରେ ଲାଗିଛିି । ଏହି ଫିଲ୍ମ ଦୀପାବଳି ଅବସରରେ ରିଲିଜ ହେବାକୁ ଯାଉଛି । ଟାଇଗର ୩ର ଟ୍ରେଲର ମଧ୍ୟ ଖୁବ ଶୀଘ୍ର ରିଲିଜ ହେବ । ଟ୍ରେଲର ରିଲିଜ ହେବା ପୂର୍ବରୁ ନିର୍ମାତାମାନେ କ୍ୟାଟ୍ରିନାଙ୍କ ଲୁକ ସେୟାର କରିଛନ୍ତି ।
ସଲମାନ ଖାଁ ସୋସିଆଲ ମିଡିଆରେ କ୍ୟାଟ୍ରିନାଙ୍କ ଫାଷ୍ଟ ଲୁକ ସେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି ଜୋୟା । ଏଥିରେ କାଟ୍ରିନା ଗୋଟିଏ ହାତରେ ବନ୍ଧୁକ ଧରି ଗୁଳି ଚଳାଇଥିବାର ନଜର ଆସିଛନ୍ତି । ସେ ଅନ୍ୟ ହାତରେ ଦଉଡି ଧରିଛନ୍ତି । କ୍ୟାଟ୍ରିନାଙ୍କ ଏହି ଲୁକ ଚମତ୍କାର ରହିଛି । ଏହା ଦେଖି ପ୍ରଶଂସକଙ୍କର ଫିଲ୍ମକୁ ନେଇ ଉତ୍ସାହ ବଢିଯାଇଛି । ଅକ୍ଟୋବର ୧୬ରେ ଟାଇଗର ୩ ଟ୍ରେଲର ଆସୁଛି । ଟାଇଗର ୩ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ଦିୱାଲୀରେ ମୁକ୍ତିଲାଭ କରିବ ।
Comments are closed.