ଗୁଜୁରାଟ : ହିନ୍ଦୁ ସଂସ୍କୃତିରେ ଶାରଦୀୟ ଋତୁରେ ନବରାତ୍ରି ବହୁତ ଗୁରୁତ୍ୱପୂର୍ଣ୍ଣ । ଆଉ ମାତ୍ର କିଛି ଦିନ ମଧ୍ୟରେ ନବରାତ୍ରୀ ଆରମ୍ଭ ହେବ । ଏଥର ନବରାତ୍ରୀ ଅକ୍ଟୋବର ୧୫ରୁ ଆରମ୍ଭ ହୋଇ ୨୪ ଅକ୍ଟୋବର ପର୍ଯ୍ୟନ୍ତ ଚାଲିବ । ତେବେ ନବରାତ୍ରୀ ଉତ୍ସବ ପୂର୍ବରୁ ଗୁଜୁରାଟ ଗାନ୍ଧିନଗରର ଜଣେ ବ୍ୟକ୍ତିଙ୍କ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ବ୍ୟକ୍ତି ଜଣକ ମୁଣ୍ଡରେ ୩ କିଲୋ ଓଜନର ଏକ ପଗଡ଼ି ପିନ୍ଧିଛନ୍ତି । ଯେଉଁଥିରେ ରହିଛି ନିଆରା ଥିମ୍ ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ବ୍ୟକ୍ତି ଜଣକ ମୁଣ୍ଡରେ ଏକ ପଗଡ଼ି ପିନ୍ଧିଛନ୍ତି । ତାହାପୁଣି ୩ କିଲୋ ଓଜନର । କେବଳ ସେତିକି ନୁହେଁ, ରାମମନ୍ଦିର, ଚନ୍ଦ୍ରଯାନ-୩ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଥିମକୁ ନେଇ ରାମ ରାଜ୍ୟ ପଗଡ଼ି ପିନ୍ଧିଥିବା ଦେଖିବାକୁ ମିଳୁଛି । ଏଭଳି ସ୍ୱତନ୍ତ୍ର ପଗଡ଼ି ପିନ୍ଧିଥିବା ବ୍ୟକ୍ତି କହିଛନ୍ତି ଯେ, ଏଭଳି ପଗଡ଼ି ତିଆରି ପାଇଁ ମୁଁ ଅନେକ ଦିନରୁ ଚିନ୍ତା କରିଥିଲି । ଚଳିତଥର ଏହି ଇଚ୍ଛା ମୋର ପୂରା ହୋଇପାରିଛି । ଏଥିପାଇଁ ମୁଁ ବହୁତ ଖୁସି । ଅନେକ ଲୋକେ ଏହି ପଗଡ଼ି ବିଷୟରେ ସୂଚନା ପାଇବା ପରେ ଦେଖିବା ପାଇଁ ଭିଡ଼ ଜମାଉଛନ୍ତି ।
Comments are closed.