ମୁମ୍ବାଇ: ବନ୍ଧୁକ ଦେଖାଇ ବଲିଉଡ଼ ଅଭିନେତ୍ରୀ ନିକିତା ରାୱଲଙ୍କୁ ଲୁଟିଲେ ଗୃହ ସହାୟକ । ୨ଦିନ ତଳେ ଏହି ଘଟଣା ଘଟିଥିବା ବେଳେ ଏବେ ତାହା ସାମ୍ନାକୁ ଆସିଛି । ଦୁଇ ଦିନ ପୂର୍ବେ ନିକିତାଙ୍କ ଗୃହ ସହାୟକ ବନ୍ଧୁକ ଦେଖାଇ ଭୟଭୀତ କରି ତାଙ୍କ ଘରୁ କିଛି ଟଙ୍କା ଓ ଅଳଙ୍କାର ଚୋରି କରି ନେଇଛନ୍ତି । ପରେ ଏନେଇ ନିକିତା ସଙ୍ଗେ ସଙ୍ଗେ ଓଶିୱାରା ଥାନାରେ ଅଭିଯୋଗ କରିଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ôଚ ତଦନ୍ତ ଚଳାଇଛି ।
ଚାରି-ପାଞ୍ଚ ମାସ ପୂର୍ବେ ସେ ତାଙ୍କ ଘରେ ଜଣେ ଗୃହ ସହାୟକଙ୍କ ନିଯୁକ୍ତି ଦେଇଥିଲେ । ପିଲାଟି ଭଲ ବୋଲି ଜଣାପଡ଼ୁଥିଲା ଓ ତା’ର ବ୍ୟବହାର ବି ଭଲ ଥିଲା । ସେ କାମ କରିବା ଆରମ୍ଭ କରିବା ପରେ ଚାରି-ପାଞ୍ଚ ମାସ ମଧ୍ୟରେ ତାଙ୍କ ଘରୁ ଅନେକ ଜିନିଷ ଗାଏବ ହେବାକୁ ଲାଗିଲା । ଦିନେ ତାଙ୍କ ବ୍ୟାଗରୁ ପାଞ୍ଚ ହଜାର ଟଙ୍କା ବାହାର କରାଯାଇଛି । ଏ ବିଷୟରେ ନିକିତା ତାଙ୍କୁୁ ପଚାରିବା ପରେ ସେ ପ୍ରଥମେ ମନା କରିଥିଲେ । ପରେ ପୋଲିସର ଧମକ ଦେଇ ପଚାରିବାରୁ ସେ ତାଙ୍କ ବାପାଙ୍କୁ ଫୋନ କରି ଡାକିଥିଲେ । ତାଙ୍କ ବାପା ଆସିବା ପରେ ଦୁହେଁ ନିକିତାଙ୍କୁ ଧମକାଇବା ଆରମ୍ଭ କରିଥିଲେ । ଏହା ପରେ ଦୁହେଁ ବନ୍ଧୁକ ଦେଖାଇ ଘରେ ଥିବା ଅଳଙ୍କାର ଚୋରି କରି ନେଇଥିଲେ । ଜୀବନ ବଞ୍ଚାଇବାକୁ ଯାଇ ସେ ଚୁପ୍ ରହିଥିଲେ । ହେଲେ ସେମାନେ ଘରୁ ଯିବା ପରେ ନିକିତା ଥାନାରେ ଅଭିଯୋଗ କରିଥିଲେ ।
Comments are closed.