ମୁମ୍ବାଇ: ଅଲଗା ହେଲେ ଶିଳ୍ପା ଶେଟ୍ଟୀ-ରାଜ କୁନ୍ଦ୍ରା । ଏନେଇ ସୋସିଆଲ ମିଡିଆରେ ରାଜ ତାଙ୍କର ଅଲଗା ହେବା ଘୋଷଣା କରିଛନ୍ତି। ଯଦିଓ ସେ ଏହି ପୋଷ୍ଟରେ କାହା ବିଷୟରେ ଉଲ୍ଲେଖ କରିନାହାଁନ୍ତି । ଯାହା ପରେ ପ୍ରଶଂସକମାନେ ଚିନ୍ତିତ ହୋଇଯାଇଛନ୍ତି ।
‘X’ରେ ଏକ ପୋଷ୍ଟ ସେୟାର କରି ରାଜ ଲେଖିଛନ୍ତି ଯେ, ଆମେ ଅଲଗା ହୋଇଯାଇଛୁ, ଅନୁରୋଧ କରୁଛୁ ଏ କଷ୍ଟକର ସମୟରେ ଆମକୁ ସମୟ ଦିଅନ୍ତୁ । କିନ୍ତୁ ରାଜ କୁନ୍ଦ୍ରା ତାଙ୍କ ପୋଷ୍ଟରେ ଲେଖି ନାହାଁନ୍ତି ଯେ ସେ ତାଙ୍କ ପତ୍ନୀ ଶିଳ୍ପା ଶେଟ୍ଟୀଙ୍କଠାରୁ ଅଲଗା ହେଉଛନ୍ତି ବୋଲି । ରାଜ କୁନ୍ଦ୍ରା ମଧ୍ୟ ଏହି ପୋଷ୍ଟର ଏକ ସ୍କ୍ରିନସଟ ଇନଷ୍ଟାଗ୍ରାମରେ ସେୟାର କରିଛନ୍ତି। ରାଜ କୁନ୍ଦ୍ରାଙ୍କ ଏହି ପୋଷ୍ଟ ଦେଖି ଫ୍ୟାନ୍ସ ତାଙ୍କୁ ଲଗାତାର ପ୍ରଶ୍ନ କରିବାରେ ଲାଗିଛନ୍ତି । ସେପଟେ କିନ୍ତୁ ଏନେଇ ଶିଳ୍ପା ସୋସିଆଲ ମିଡିଆରେ ଏପର୍ଯ୍ୟନ୍ତ କିଛି ପ୍ରତିକ୍ରିୟା ସେୟାର କରିନାହାଁନ୍ତି ।
We have separated and kindly request you to give us time during this difficult period 🙏💔
— Raj Kundra (@onlyrajkundra) October 19, 2023
ନିକଟରେ ରାଜ କୁନ୍ଦ୍ରାଙ୍କ ଫିଲ୍ମ UT 69 ର ଟ୍ରେଲର ରିଲିଜ ହୋଇଛି। ଏହି ଫିଲ୍ମରେ ରାଜ କୁନ୍ଦ୍ରା ମୁଖ୍ୟ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରଟି ସେହି ସମୟ ଉପରେ ଆଧାରିତ ଯେତେବେଳେ ରାଜ କୁନ୍ଦ୍ରା ଏକ ଅଶ୍ଳୀଳ ଭିଡିଓ ମାମଲାରେ ଜେଲ ଯାଇଥିଲେ । ସୂଚନାଥାଉ ଯେ, ରାଜ କୁନ୍ଦ୍ରାଙ୍କୁ ଗିରଫ କରାଯାଇ ମୁମ୍ବାଇର ଆର୍ଥର ରୋଡ ଜେଲରେ ରଖାଯାଇଥିଲା। ଜୁଲାଇ ୨୦୨୧ରେ ତାଙ୍କୁ ଏକ ଅଶ୍ଳୀଳ ଚଳଚ୍ଚିତ୍ର ମାମଲାରେ ମୁମ୍ବାଇ ପୋଲିସ ଗିରଫ କରିଥିଲା । ଏହି ମାମଲାକୁ ନେଇ ଦୀର୍ଘ ଦିନ ପର୍ଯ୍ୟନ୍ତ ରାଜ କୁନ୍ଦ୍ରା ବିବାଦରେ ଥିଲେ । ସେପ୍ଟେମ୍ବର ମାସରେ ସେ ଜେଲରୁ ବାହାରି ଥିଲେ ।
Comments are closed.