ନୂଆଦିଲ୍ଲୀ: ବାଇକ୍ରେ ପ୍ରେମୀଯୁଗଳ ରୋମାନ୍ସ କରିବାର ଅନେକ ଭିଡ଼ିଓ ଆପଣ ନିଶ୍ଚୟ ଦେଖିଥିବେ । ହେଲେ ଏବେ ଏକ ନବଦମ୍ପତିଙ୍କ ବାଇକ୍ରେ ଖୁଲମ୍ଖୁଲା ରୋମାନ୍ସ କରିବାର ଦେଖିଛନ୍ତି? ଏବେ ସେମିତି ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ସ୍ୱାମୀସ୍ତ୍ରୀ ବାଇକରେ ରୋମାନ୍ସ କରୁଛନ୍ତି । ଏହାକୁ ଦେଖିଲେ ଲାଗୁଛି ଯେମିତି ଦୁନିଆର କାହାକୁ ସେମାନଙ୍କର ଖାତିର ନାହିଁ । ବିନ୍ଧାସ ଓ ବେପରୁଆ ଭାବେ ନିଜ ଦୁନିଆରେ ସେମାନେ ମସଗୁଲ୍ । ସତେ ଅବା ସେମାନଙ୍କ ପ୍ରତି କାହାର ବି ନଜର ନାହିଁ । ଅଥବା କେହି ସେମାନଙ୍କୁ ଦେଖୁନାହାନ୍ତି ।
ଭାଇରାଲ ଭିଡିଓରେ ଦେଖିବାକୁ ମିଳୁଛି ଯେ , ଜଣେ ଯୁବକ ବାଇକ୍ ଚଲାଉଛନ୍ତି । ଆଉ ତାଙ୍କ ସ୍ତ୍ରୀ ତାଙ୍କୁ ଜାବୁଡ଼ି ଧରିବା ସହ ସାମ୍ନା ପଟକୁ ପଛ କରି ବାଇକର ତେଲ ଟାଙ୍କି ଉପରେ ବସିଛନ୍ତି । ଆଉ ବାଇକ୍ ଚଲାଉଥିବା ଯୁବକଙ୍କୁ ଆଲିଙ୍ଗନ କରିବା ସହ ଚୁମ୍ବନ ମଧ୍ୟ ଦେଉଛନ୍ତି । ରାଜରାସ୍ତା ଉପରେ ସେମାନେ ଏପରି ହରକତ କରୁଥିଲେ । ତେବେ ସେମାନଙ୍କ ଅଜାଣତରେ କେହି ଜଣେ ଏହି ଭିଡ଼ିଓ ରେକର୍ଡ଼ କରିବା ସହ ସୋସିଆଲ ମିଡିଆରେ ସେୟାର କରିଥିଲେ, ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି । ସବୁଠୁ ଆଶ୍ଚର୍ଯ୍ୟର କଥା ବିନା ହେଲମେଟ୍ରେ ଦ୍ରୁତଗତିରେ ବାଇକ ଚଲାଉଥିବା ଦେଖିବାକୁ ମିଳିଛି ।
ଭିଡିଓଟି ନୂଆଦିଲ୍ଲୀରୁ ଆସିଛି । ଉଭୟ ସ୍ୱାମୀ ସ୍ତ୍ରୀ ମୋରଡାବାଦର ବାସିନ୍ଦା ବୋଲି କୁହାଯାଉଛି । ଉଭୟ ନିକଟରେ ବିବାହ କରିଥିଲେ । ତଦନ୍ତ ପରେ ହାପୁଡ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି କହିଛି । ଏହି ଦୃଶ୍ୟ ଦେଖିବା ପରେ ଲୋକମାନେ ଭିନ୍ନ ଭିନ୍ନ ମନ୍ତବ୍ୟ ଦେଇଛନ୍ତି । କେହି କେହି ଏହା ସମାଜକୁ କଳୁଷିତ କରୁଛନ୍ତି ବୋଲି କହୁଥିବା ବେଳେ ଆଉ କିଛି ସେମାନଙ୍କୁ ଧରି ପୋଲିସ ଜିମା ଦେବା ଦରକାର ବୋଲି ମତପ୍ରକାଶ ପାଇଛି ।
Comments are closed.