ମୁମ୍ବାଇ: ଖୁବ୍ଶୀଘ୍ର ଭଙ୍ଗାଯିବ ବଲିଉଡ଼ର ଚକୋଲେଟ୍ ହିରୋ ଅମିର ଖାନଙ୍କ ଆପାର୍ଟମେଣ୍ଟ । ମୁମ୍ବାଇର ପାଲି ହିଲ୍ ଅଞ୍ଚଳରେ ଥିବା ଏହି ବଡ଼ ଆପାର୍ଟମେଣ୍ଟକୁ ସମ୍ପୂର୍ଣ୍ଣ ଭଙ୍ଗାଯିବ । ଏହାକୁ ନେଇ ଅମିରଙ୍କ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଅମୀରଙ୍କର ମୁମ୍ବାଇର ପାଲି ହିଲ୍ ଅଞ୍ଚଳରେ ରହିଛି ଏକ ବଡ ଆପାର୍ଟମେଣ୍ଟ । ତେବେ ବର୍ତ୍ତମାନ ଏହି ଆପାର୍ଟମେଣ୍ଟ ବିଷୟରେ ଖବର ଆସୁଛି ଯେ ଅମିରଙ୍କ ଆପାର୍ଟମେଣ୍ଟ ଖୁବ ଶୀଘ୍ର ଭଙ୍ଗାଯିବ । ବାସ୍ତବରେ ଏହାକୁ ଭଙ୍ଗାଯାଇ ପୁନଃନିର୍ମାଣ କରାଯିବ । ଏକ ରିଏଲ୍ ଇଷ୍ଟେଟ୍ ସଂସ୍ଥାକୁ ଏହି କାର୍ଯ୍ୟ ପାଇଁ ଦାୟିତ୍ୱ ଦିଆଯାଇଛି । ଏହି ପ୍ରକଳ୍ପରେ ଅମୀର ଖାନଙ୍କର ବହୁତ ଆଗ୍ରହ ମଧ୍ୟ ରହିଛି । ଅନ୍ୟପଟେ ଅମୀର ଖାନ ଚେନ୍ନାଇ ଯିବାର ଅଛି । କାରଣ ସେ ତାଙ୍କ ମା’ଙ୍କ ସହ ସମୟ ବିତାଇବାକୁ ଚାଁହୁଛନ୍ତି । ଅମୀରଙ୍କ ମା’ ଜୀନତ ହୁସେନଙ୍କର କିଛିଦିନ ହେବ ଚେନ୍ନାଇର ଏକ ଘରୋଇ ହସ୍ପିଟାଲରେ ଚିକିତ୍ସା ଚାଲିଛି । ଏଭଳି ସମୟରେ ମା’ଙ୍କ ସହିତ ରହିବାକୁ ଚାହୁଁଛନ୍ତି ଅମିର । ଅମୀର ତାଙ୍କ ମା’ଙ୍କ ଚିକିତ୍ସା ହେଉଥିବା କେନ୍ଦ୍ର ନିକଟରେ ଏକ ହୋଟେଲରେ ରହିବେ ।
ଉଲ୍ଲେଖ ଥାଉ କି ଗତ ବର୍ଷ ଅମୀର ଖାନ ଫିଲ୍ମ ଲାଲ ସିଂ ଚଢାରେ ନଜର ଆସିଥିଲେ । ଏହି ଫିଲ୍ମରେ ଅମୀରଙ୍କ ସହ କରୀନା କପୁରଙ୍କୁ ଦେଖିବାକୁ ମିଳିଥିଲା । ତେବେ ଫିଲ୍ମଟି ବକ୍ସ ଅଫିସରେ ଫ୍ଲପ୍ ହୋଇଥିଲା । ଏହା ପରେ ସେ ଫିଲ୍ମ ଦୁନିଆରୁ ବିରତି ନେଇଥିଲେ । ଏଥିସହିତ ଅମୀର ପୁଣିଥରେ ଚଳଚ୍ଚିତ୍ରରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି । ନିକଟରେ ସେ ତାଙ୍କ ଚଳଚ୍ଚିତ୍ର ‘ସୀତାରେ ଜମିନ୍’ ଆସନ୍ତା ବର୍ଷ ରିଲିଜ ହେବ ବୋଲି ଘୋଷଣା କରିଥିଲେ ।
Comments are closed.