ତେଲକୋଇ: ଅସୁସ୍ଥ ହାତୀ ଶାବକର ମୃତ୍ୟୁ । ଜଙ୍ଗଲ ବିଭାଗ ଖୋଳିଥିବା ଗାତରେ ପଡି ଏକ ଛୁଆ ହାତୀର ମୃତ୍ୟୁ ଘଟିଛି । ବାଂଶପାଳ ବ୍ଲକ ଭେଜିଡିହା ଗାଁ ନିକଟ ଜଙ୍ଗଲରୁ ମୃତଦେହ ଠାବ କରାଯାଇଛି । ବନ ବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ ରବିବାର ଭେଜିଡିହ ଅଞ୍ଚଳରେ ୧୨ ଟିକିଆ ହାତୀ ପଲ ବୁଲୁଥିଲେ ।
ଏତିକି ବେଳେ ଜଳ ନିଷ୍କାସନ ପାଇଁ ଜଙ୍ଗଲ ବିଭାଗ ଖୋଳିଥିବା ଗାତରେ ଛୁଆ ହାତୀଟି ପଡିଯାଇଥିଲା । ଫଳରେ ଗତକାଲିଠାରୁ ହାତୀ ଶାବକଟି ଅସୁସ୍ଥ ହୋଇପଡିଥିଲା । ପରେ ବନ ବିଭାଗର ଏକ ଡାକ୍ତରୀ ଦଳ ହାତୀ ଶାବକଟିର ଚିକିତ୍ସା କରୁଥିଲେ । ହେଲେ ଆଜି ସକାଳେ ହାତୀ ଶାବକଟିର ମୃତ୍ୟୁ ଘଟିଛି । ଏହାପରେ ବନ ବିଭାଗର ଏକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।
Comments are closed.