ନୂଆଦିଲ୍ଲୀ: ଦେଶର ବଡ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡର ବୋର୍ଡ ଅଫ ଡାଇରେକ୍ଟର୍ସରେ ଇଶା ଅମ୍ବାନୀ, ଆକାଶ ଅମ୍ବାନୀ, ଅନନ୍ତ ଅମ୍ବାନୀଙ୍କର ଏଣ୍ଟ୍ରି ହୋଇ ଯାଇଛି । ରିଲାଏନ୍ସର ଶେୟାର ହୋଲଡର ଏହି ତିନି ଜଣଙ୍କୁ ବୋର୍ଡରେ ନନ-ଏଗ୍ଜିକ୍ୟୁଟିଭ ଡାଇରେକ୍ଟର ଭାବେ ନିଯୁକ୍ତିକୁ ମଞ୍ଜୁରୀ ଦେଇଛନ୍ତି ।
ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡର ୪୬ତମ ବାର୍ଷିକ ସାଧାରଣ ବୈଠକ ଅଗଷ୍ଟ ୨୮ ତାରିଖରେ ହୋଇଥିଲା । ଏଥିରେ ରିଲାଏନ୍ସ ଚେୟାରମ୍ୟାନ ମୁକେଶ ଅମ୍ବାନୀ ଘୋଷଣା କରିଥିଲେ ଯେ, ବୋର୍ଡ ଅଫ ଡାଇରେକ୍ଟର୍ସରୁ ନୀତା ଅମ୍ବାନୀ ଅଲଗା ହୋଇଯିବେ । ଅନ୍ୟପକ୍ଷେ ଇଶା, ଆକାଶ ଏବଂ ଅନନ୍ତ ଅମ୍ବାନୀଙ୍କ ନାଁ ନନ୍ ଏଗ୍ଜିକ୍ୟୁଟିଭ ଡାଇରେକ୍ଟର ଭାବେ ବୋର୍ଡରେ ସାମିଲ କରାଯିବ ।
ହେଲେ ଚଳିତ ମାସରେ ଅନନ୍ତ ଅମ୍ବାନୀଙ୍କ ସାମିଲ ହେବାକୁ ନେଇ ବିରୋଧାଭାସ ଦେଖିବାକୁ ମିଳିଥିଲା । ଏହାକୁ ୨ଟି ଅନ୍ତର୍ଜାତୀୟ ପରାମର୍ଶଦାତା କମ୍ପାନୀ ଅନନ୍ତ ଅମ୍ବାନୀଙ୍କ ବୟସକୁ ନେଇ ବୋର୍ଡରେ ନିଯୁକ୍ତିକୁ ବିରୋଧ କରିଥିଲେ । ଏଥିସହିତ ତାଙ୍କର ଅନୁଭୂତି ନ ଥିବା ମଧ୍ୟ ଦର୍ଶାଇଥିଲେ ।
ହେଲେ ଏହି ମାମଲାରେ ଶେୟାରଧାରୀଙ୍କ ମଧ୍ୟରେ ଭୋଟିଂ ହୋଇଥିଲା । ଏଥିରେ ୯୨.୭ ପ୍ରତିଶତ ଭୋଟରେ ଅନନ୍ତ ଅମ୍ବାନୀଙ୍କ ପକ୍ଷରେ ଭୋଟ ପଡିଥିଲା । ଏହାପରେ ଅନନ୍ତଙ୍କ ବୋର୍ଡରେ ସାମିଲ ହେବା ଏକ ପ୍ରକାର ନିଶ୍ଚିତ ହୋଇ ଯାଇଛି । ରିଲାଏନ୍ସ ଇଣ୍ଡଷ୍ଟ୍ରିଜର ୪ଟି କମ୍ପାନୀର ନର୍ଦ୍ଦେଶକ ଅନନ୍ତ ଅମ୍ବାନୀ ଆରଆଇଏଲର ବୋର୍ଡ ଅଫ ଡାଇରେକ୍ଟର୍ସରେ ନନ ଏଗ୍ଜିକ୍ୟୁଟିଭ, ନନଇଣ୍ଡିପେଣ୍ଡେଟ ଡାଇରେକ୍ଟର ଭାବେ ନିଯୁକ୍ତି ପାଇବେ ।
ଏଥିସହିତ ଶେୟାର ହୋଲଡରଙ୍କ ଭୋଟିଂରେ ଇଶା ଅମ୍ବାନୀଙ୍କୁ ୯୮.୨ ଏବଂ ଆକାଶଙ୍କୁ ୯୮ ପ୍ରତିଶତ ଭୋଟ ମିଳିଥିଲା । ଏଥସହିତ ରିଲାଏନ୍ସର ଦାୟିତ୍ୱ ତୃତୀୟ ପୀଢି ହାତକୁ ଗଲା ।
Comments are closed.