ନୂଆଦିଲ୍ଲୀ: ତାମିଲନାଡୁ ସରକାର ସୁପ୍ରିମକୋର୍ଟରେ ଏକ ପିଟିସନ ଦାଖଲ କରି ଅଭିଯୋଗ କରିଛନ୍ତି ଯେ ରାଜ୍ୟପାଳ ବିଧାନସଭାରେ ପାରିତ ହୋଇଥିବା ବିଲ୍ ଉପରେ ସହମତି ଦେବାରେ ବିଳମ୍ବ କରିବା ଦ୍ୱାରା “ସମ୍ବିଧାନିକ ଅଚଳାବସ୍ଥା” ସୃଷ୍ଟି ହୋଇଛି ଏଭଳି ବିଲ୍ ଉପରେ ରାଜ୍ୟପାଳ କିଭଳି କାର୍ଯ୍ୟ କରିବେ ସେନେଇ ନିର୍ଦ୍ଦିଷ୍ଟ ସମୟସୀମା ନିର୍ଦ୍ଧାରଣ କରିବାକୁ ଆବେଦନରେ ଦର୍ଶାଯାଇଛି।
ରାଜ୍ୟପାଳଙ୍କ ନିଷ୍କ୍ରିୟତା ଅସାମ୍ବିଧାନିକ ଓ ବେଆଇନ ଏବଂ ଏହା ତାଙ୍କ କ୍ଷମତାର ଅପବ୍ୟବହାର ବୋଲି ଆବେଦନରେ ଦର୍ଶାଯାଇଛି। ଏଥିରେ ଏହା ମଧ୍ୟ କୁହାଯାଇଛି ଯେ ରାଜ୍ୟପାଳଙ୍କ ନିଷ୍କ୍ରିୟତା ସମ୍ବିଧାନର ଧାରା ୧୪, ୧୯ ଏବଂ ୨୧ ଅନୁଯାୟୀ ନାଗରିକଙ୍କ ଜନାଦେଶ ଏବଂ ସେମାନଙ୍କର ଅଧିକାରକୁ ଉଲ୍ଲଙ୍ଘନ କରୁଛି।
ଆବେଦନରେ ଦର୍ଶାଯାଇଛି ଯେ ବିଧାନସଭାରେ ୧୨ଟି ବିଲ୍ ପାରିତ ହୋଇଛି। ସରକାରୀ କର୍ମଚାରୀଙ୍କ ଦ୍ୱାରା ହେଉଥିବା ଦୁର୍ନୀତିର ବିଭିନ୍ନ ଅପରାଧର ବିଚାର ଓ ତଦନ୍ତ ପାଇଁ ମଞ୍ଜୁରୀ ଚୁକ୍ତି ସମ୍ବନ୍ଧୀୟ ଫାଇଲ, ଏବଂ ସରକାର ପଠାଇଥିବା କଏଦୀଙ୍କ ମୁକ୍ତି ସମ୍ପର୍କିତ ଫାଇଲ୍ ରାଜ୍ୟପାଳଙ୍କ ନିକଟରେ ପଡ଼ିରହିଛି।
ଏହି ଆବେଦନରେ ଦର୍ଶାଯାଇଛି ଯେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବିଲ୍ ସ୍ବୀକୃତି ନମିଳିବା ଏବଂ ତାଙ୍କ ସାମ୍ବିଧାନିକ କାମକୁ ବ୍ୟବହାର କରି ରାଜ୍ୟ ଦ୍ବାରା ପଠାଯାଇଥିବା ଫାଇଲ୍ ଉପରେ ନଜର ରଖିବାକୁ ମନା କରିବା ରାଜ୍ୟପାଳଙ୍କ କ୍ଷମତାର ଅପବ୍ୟବହାର ବୋଲି କଂଗ୍ରେସ କହିଛି। ତାମିଲନାଡୁ ସରକାର ଓ ରାଜ୍ୟପାଳଙ୍କ ମଧ୍ୟରେ ସମ୍ପର୍କ ତିକ୍ତ ହେଉଥିବା ବେଳେ ଏହି ଆବେଦନ କରାଯାଇଛି। ରାଜ୍ୟପାଳ କେନ୍ଦ୍ର ସରକାରଙ୍କ ଅତ୍ୟନ୍ତ ନିକଟତର ହେବା ସହ ରାଜ୍ୟ ସରକାରଙ୍କ କାମରେ ହସ୍ତକ୍ଷେପ କରୁଥିବା ଅଭିଯୋଗ ହୋଇଛି।
ଏହି ପିଟିସନର ଫଳାଫଳ ଉପରେ ଅନ୍ୟ ରାଜ୍ୟମାନଙ୍କର ନଜର ରହିବ ଯେଉଁଠାରେ ସରକାର ଓ ରାଜ୍ୟପାଳଙ୍କ ମଧ୍ୟରେ ସମ୍ପର୍କ ତିକ୍ତ ହୋଇଛି। ଭାରତରେ ସଙ୍ଘୀୟ ବ୍ୟବସ୍ଥାର ଭବିଷ୍ୟତ ଉପରେ ମଧ୍ୟ ଏହାର ପ୍ରଭାବ ପଡ଼ିପାରେ।
ଉଲ୍ଲେଖଯୋଗ୍ୟ, ଯେଉଁ ସବୁ ରାଜ୍ୟରେ ଅଣି ବିଜେପି ଦଳ ସରକାରରେ ରହିଛି ସେଠାରେ ରାଜ୍ୟପାଳଙ୍କ ସହ ବିବାଦ ରହିଛି। ଏଥିମଧ୍ୟରୁ ତାମିଲନାଡୁ ବ୍ୟତୀତ ପଶ୍ଚିମବଙ୍ଗ, ଦିଲ୍ଲୀ, ପଞ୍ଜାବ, କେରଳ ଏବଂ ଝାଡଖଣ୍ଡରେ ରାଜ୍ୟପାଳ ଏବଂ ରାଜ୍ୟ ସରକାରଙ୍କ ମଧ୍ୟରେ ବିବାଦ ଚରମସୀମାରେ ରହିଛି। କିନ୍ତୁ ଓଡ଼ିଶାରେ ସ୍ଥିତି ସ୍ବାଭାବିକ ରହିଛି।
Comments are closed.