ବିରାଟଙ୍କ ରନ୍ ଅନୁସାରେ ହୋଟେଲରେ ବିରିୟାନୀ ଡିସକାଉଣ୍ଟ, ମାଗଣା ପ୍ଲେଟ ଖାଇବାକୁ ଅସମ୍ଭାଳ ଭିଡ

ଲକ୍ଷ୍ନୈା: ବିରାଟଙ୍କ ରନ୍ ଯେତେ ହେବ ସେମିଫାଇନାଲରେ ସେହି ପରିମାଣରେ ଡିସକାଉଣ୍ଚ ମିଳିବ ବିରିୟାନୀ। ବଡ କଥା ହେଲା ବିରାଟ ନ୍ୟୁଜିଲାଣ୍ଡ ବିପକ୍ଷ ସେମିଫାଇନାଲରେ ଶତକ ମାରିଥିଲେ। ତେଣୁ ବିରିୟାନୀ ମଧ୍ୟ ମାଗଣା ହୋଇଯାଇଥିଲା। ଗତକାଲି ବିରାଟଙ୍କ ଶତକୀୟ ଇନିଂସ ପରେ ଉତ୍ତର ପ୍ରଦେଶର ବହରାଇଚରେ ଏକ ହୋଟେଲ ମାଲିକଙ୍କୁ ଗ୍ରାହକଙ୍କ ଅପ୍ରତ୍ୟାଶିତ ଭିଡର ସମ୍ମୁଖୀନ ହେବାକୁ ପଡ଼ିଥିଲା। ଆଉ ସ୍ଥିତି ଏପରି ହେଲା ଯେ  ବିରିୟାନୀ ପ୍ରେମୀଙ୍କ ମଧ୍ୟରେ ଦଳାଚକଟା ଭଳି ସ୍ଥିତି ଉପୁଜିଥିଲା।

ଦେହାତ ପୁଲିସର ତିକୋନୀ ବାଗ ଅଞ୍ଚଳରେ ଥିବା ଏହି ରେଷ୍ଟୁରାଣ୍ଟରେ ନ୍ୟୁଜିଲାଣ୍ଡ ବିପକ୍ଷ ସେମିଫାଇନାଲରେ କୋହଲି କରିଥିବା ରନକୁ ମିଶାଇ ଡିସକାଉଣ୍ଟ ଘୋଷଣା ହୋଇଥିଲା। ତେବେ ବିଶ୍ବକପ୍ ମ୍ୟାଚରେ କୋହଲି ଶତକ ହାସଲ କରିବା ପରେ ସ୍ଥିତି ଆହୁରି ବିଗିଡ଼ି ଯାଇଥିଲା। ଆଉ ଅସମ୍ଭାଳ ଭିଡ ଦେଖିବାକୁ ମିିଳିଥିଲା।

In UP’s #Bahraich (Tikoni Bagh area), a restaurant owner offered #briyani on discount % equal to #ViratKohli𓃵‘s run.Following his century 🏏, large number of gourmandizer rush to avail the offer, which led to stamped like situation & local police was called to control the crowd pic.twitter.com/dxyNYtePVK

— Arvind Chauhan 💮🛡️ (@Arv_Ind_Chauhan) November 15, 2023

କୋହଲିଙ୍କ ଶତକ ସହ ଏହି ଡିସକାଉଣ୍ଟ 100% ଯାଏଁ ପହଞ୍ଚି ଯାଇଥିଲା। ଯାହା ଫଳରେ ଚିକେନ୍ ଓ ମଟନ୍ ବିରିୟାନୀର ପ୍ଲେଟ୍ ସମ୍ପୂର୍ଣ୍ଣ ମାଗଣାରେ ମିଳୁଥିଲା। ଫଳରେ ଅପ୍ରତ୍ୟାଶିତ ଭାବେ ଏହି ପ୍ଲେଟ ନେବାକୁ ଲୋକଙ୍କ ଭିଡ଼ ଜମିଥିଲା। ସୋସିଆଲ ମିଡିଆରେ ଭାଇରାଲ ହୋଇଥିବା ଦୃଶ୍ୟ ଭିଡ଼ର ମାତ୍ରା କେତେ ଥିଲା ଏହା ସୂଚାଉଛି।

ଯେତେବେଳେ ଚାହିଦା ବୃଦ୍ଧି ପାଇଲା, ଏବଂ ରେଷ୍ଟୁରାଣ୍ଟ ମାଲିକ ଆଦେଶ ପୂରଣ କରିବା ପୂର୍ବରୁ, ଭିଡ଼କୁ ପରିଚାଳନା କରିବା ପାଇଁ ପୋଲିସର ହସ୍ତକ୍ଷେପ ନେବାକୁ ପଡ଼ିଥିଲା। ଧାଡ଼ିରେ ଥିବା ଲୋକମାନେ ଅଧିକ ବିରିୟାନୀ ମାଗିବାରୁ ପରିସ୍ଥିତି ଅଧିକ ଜଟିଳ ହୋଇପଡ଼ିଥିଲା ଏବଂ ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା।

ସମ୍ଭାବ୍ୟ ଭଙ୍ଗାରୁଜାକୁ ରୋକିବା ପାଇଁ ରେଷ୍ଟୁରାଣ୍ଟ ମାଲିକଙ୍କୁ ଶେଷରେ ପ୍ରତିଷ୍ଠାନକୁ ସାମୟିକ ଭାବେ ବନ୍ଦ କରିବାକୁ ପଡ଼ିଥିଲା।

ଏହି ଘଟଣା ଭାରତରେ କ୍ରିକେଟ୍ର ଲୋକପ୍ରିୟତା ଏବଂ ବିରାଟ କୋହଲିଙ୍କ ଭଳି ଖେଳାଳିଙ୍କ ପ୍ରଶଂସକ ସଂଖ୍ୟାକୁ ଦର୍ଶାଉଛି।