ନୂଆଦିଲ୍ଲୀ : ମାତ୍ର ୩୫୦ ଟଙ୍କା ପାଇଁ ନାବାଳକକୁ ବିଭତ୍ସ ହତ୍ୟା । ଏମିତି କିଛି ହୃଦୟ ବିଦାରକ ଘଟଣା ଦେଖିବାକୁ ମିଳିଛି ଦିଲ୍ଲୀର ୱେଲକମ ଅଞ୍ଚଳରେ । ସୂଚନା ଅନୁସାରେ ଭତକାଲି ରାତିରେ ଓ୍ବେଲକମ୍ ଅଞ୍ଚଳର ଜଣେ ନାବାଳକ ଅନ୍ୟ ଜଣେ ନାବାଳକକୁ କୌଣସି କାମ ପାଇଁ ୩୫୦ ଟଙ୍କା ମାଗିଥିଲା । କିନ୍ତୁ ନାବାଳକ ଜଣଙ୍କ ଟଙ୍କା ଦେବାକୁ ମନା କରିଦେବାରୁ ନାବାଳକ ଜଣକ ଏତେ ରାଗି ଯାଇଥିଲା ଯେ ହତ୍ୟା କରିବାକୁ ବି ପଛାଇନଥିଲା ।
ନାବାଳକ ଜଣକ ଏକ ଛୁରୀରେ ବିଭତ୍ସ୍ ଭାବେ ହତ୍ୟା କରିଥିଲା । ସବୁଠୁ ଆଶ୍ଚର୍ଯ୍ୟର କଥା ହେଉଛି ଥରେ କିମ୍ବା ଦୁଇ ଥର ନୁହେଁ ୬୦ ଥର ଅଭିଯୁକ୍ତ ଜଣକ ନାବାଳକଟିକୁ ଆକ୍ରମଣ କରିଥିଲା । ମୃତ ନାବାଳକ ଜଣଙ୍କ ଜାଫରବାଦର ବାସିନ୍ଦା ବୋଲି ସୂଚନା ମିଳିଛି । ଆଜି ସକାଳେ ଦିଲ୍ଲୀ ପୋଲିସ ଅଭିଯୁକ୍ତ ନାବାଳକ ବିରୋଧରେ ଏକ ମାମଲା ରୁଜ୍ଜୁ କରିବା ସହ ଗିରଫ କରିଛି ।
Comments are closed.