‘ରାଜ୍ୟର ୫୭ଟି ସଂରକ୍ଷିତ ବିଧାନସଭା ନର୍ବାଚନ ମଣ୍ଡଳୀରେ ନେତୃତ୍ୱ ବିକାଶ ମିଶନକୁ ତୃଣମୂଳସ୍ତରରୁ ସୁଦୃଢ଼ କରାଯିବ’

ଭୁବନେଶ୍ୱର: ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟ ଭୁବନେଶ୍ୱର ଠାରେ ନେତୃତ୍ୱ ବିକାଶ ମିଶନ (ଏଲଡିଏମ)ର ସମୀକ୍ଷା ବୈଠକ ଅନୁସୂଚିତ ଜାତି ବିଭାଗ ଅଧ୍ୟକ୍ଷ ବାଙ୍କନିଧି ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ ଯୋଗଦେଇ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକ କହିକହିଛନ୍ତି ଯେ, ରାଜ୍ୟରେ ସାଧାରଣ ନିର୍ବାଚନ ଖୁବ୍ ନିକଟରେ ଅନୁଷ୍ଠିତ ହେବ । ଓଡ଼ିଶାର ୧୪୭ ଗୋଟି ବିଧାନସଭା କ୍ଷେତ୍ର ମଧ୍ୟରୁ ୫୭ ଗୋଟି ଅନୁସୂଚିତ ଜାତି/ଜନଜାତି ନିମନ୍ତେ ଉଦ୍ଦିଷ୍ଟ ବିଧାନସଭା ନିର୍ବାଚନ ମଣ୍ଡଳୀରେ ନେତୃତ୍ୱ ବିକାଶ ମିଶନକୁ ବୁଥ୍ ସ୍ତର ପର୍ଯ୍ୟନ୍ତ ନେଇ ଏହାକୁ ସୁଦୃଢ଼ କରିବାକୁ ପଡ଼ିବ ।

ଏଥିପାଇଁ ଆପଣମାନଙ୍କର ଚେଷ୍ଟା, ଅଙ୍ଗୀକାର ବଦ୍ଧତା ଓ କଠିନ ପରିଶ୍ରମର ଆବଶ୍ୟକତା ରହିଛି । ମୋର ବିଶ୍ୱାସ ଏ ଦିଗରେ ଆମେ ନିଶ୍ଚିତ ସଫଳତା ଲାଭ କରିପାରିବା । ସେଥିପାଇଁ ଆଜି ଠାରୁ ଆପଣମାନେ ନିଜ ନିଜ ନିର୍ବାଚନ ମଣ୍ଡଳୀରେ ତୃଣମୁଳସ୍ତରରୁ କମିଟି ଗଠନ କରି ଏହାକୁ ସଂପୂର୍ଣ୍ଣ କରିବାପାଇଁ ବୈଠକରେ ଉପସ୍ଥିତ ଏଲଡିଏମର ଟିମ ଲିଡର ଓ ସହ-ଟିମଲିଡର ମାନଙ୍କୁ ପରାମର୍ଶ ଦେଇଥିଲେ ।

ଏହି ବୈଠକରେ ଏଲଡିଏମ ଜାତୀୟ ସଂଯୋଜକ ତଥା ଓଡ଼ିଶା ପ୍ରଭାରୀ ମାନସ ମଲ୍ଲିକ, ଅଖିଳ ଭାରତ ମହିଳା କଂଗ୍ରେସର ସଂପାଦିକା ସସ୍ମିତା ବେହେରା, ପଛୁଆବର୍ଗର ଜାତୀୟ ସଂଯୋଜକ ରାଜକିଶୋର ବାରିକ, ପଛୁଆବର୍ଗ ରାଜ୍ୟ ଅଧ୍ୟକ୍ଷ ବିଜୟାନନ୍ଦ ଚାଉଳିଆ, ସଂଖ୍ୟାଲଘୁ ବିଭାଗ ଅଧ୍ୟକ୍ଷ ଜିଆଉଲ ହକ, ଆଲବର୍ଟ କିଣ୍ଡୋ, ଅନିମା ମିଞ୍ଜ, ଅଭିଷେକ ସେଠ, ଆଶିଷ ଲେଙ୍କା, ସୁକୁମାର ପ୍ରଧାନ, ଜଗତଜୀବନ ମହାନ୍ତି ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।