ଉତ୍ତର ଭାରତରେ ବଢିବ ଶୀତର ପ୍ରଭାବ, ମନାଲୀରେ ତୁଷାରପାତ

ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀ ସମେତ ସମଗ୍ର ଉତ୍ତର ଭାରତ ଏହି ସମୟରେ ପ୍ରବଳ ଥଣ୍ଡା ଅନୁଭବ କରୁଛି। ଏହି ସପ୍ତାହରେ ଦିଲ୍ଲୀରେ କ୍ରମାଗତ ତାପମାତ୍ରା ହ୍ରାସ ପାଉଥିବା ଦେଖିବାକୁ ମିଳିଛି। ଏଥି ସହିତ ବୁଧବାର ରାଜଧାନୀରେ ଶୀତର ମାତ୍ରା ଆହୁରି ବଢିପାରେ ବୋଲି ପାଣିପାଗ ବିଭାଗ ଅନୁମାନ କରିଛି। ବର୍ତ୍ତମାନ ଉତ୍ତର-ପଶ୍ଚିମ ଦିଗରୁ ପାହାଡ଼ିଆ ଅଞ୍ଚଳରୁ ଆସୁଥିବା ଶୀତଳ ପବନ ଦିଲ୍ଲୀରେ ଥଣ୍ଡାର ମାତ୍ରାକୁ ବଢାଇ ଦେଇଛି। ଆଗାମୀ ତିନି ଦିନ ପାଇଁ ଶୀତଳ ପବନ ପ୍ରବାହିତ ହେବ ବୋଲି ପୂର୍ବାନୁମାନ କରାଯାଇଛି। ବୁଧବାର ଦିନ ଦିଲ୍ଲୀରେ ସର୍ବନିମ୍ନ ଡିଗ୍ରୀ ପ୍ରାୟ ୮ ଡିଗ୍ରୀ ରହିବାର ସମ୍ଭାବନା ରହିଛି। ଆସନ୍ତା ୨୪ ଘଣ୍ଟା ମଧ୍ୟରେ ପଞ୍ଜାବ, ହରିୟାଣା, ଉତ୍ତରପ୍ରଦେଶ, ଉତ୍ତରପ୍ରଦେଶ ଏବଂ ବିହାରର କେତେକ ଅଞ୍ଚଳରେ ଘନ କୁହୁଡି ହେବା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି।

ବେସରକାରୀ ପାଣିପାଗ ବିଭାଗ ସ୍କାଏମେଟ ରିପୋର୍ଟ ଅନୁଯାୟୀ, ଆଜି ଡିସେମ୍ବର ୧୦ ତାରିଖରେ ପଞ୍ଜାବର କେତେକ ଅଞ୍ଚଳରେ ଶୀତ ଦିନଠାରୁ ପ୍ରବଳ ଥଣ୍ଡା ଦିନର ପରିସ୍ଥିତି ଆଶଙ୍କା କରାଯାଉଛି। ଏହା ୨୪ ଘଣ୍ଟା ପରେ ତାପମାତ୍ରାରେ ପରିବର୍ତ୍ତନ ଆସିବ ବୋଲି ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି। ଜାନୁଆରୀ ୧୦ରେ ରାଜସ୍ଥାନର ଗୋଟିଏ କିମ୍ବା ଦୁଇଟି ସ୍ଥାନରେ ଶୀତର ମାତ୍ରା ଅଧିକ ରହିପାରେ। ଦକ୍ଷିଣ କୋଙ୍କଣ, ଗୋଆ ଏବଂ କେନ୍ଦ୍ରୀୟ ମହାରାଷ୍ଟ୍ରରେ ହାଲୁକା ରୁ ମଧ୍ୟମ ବର୍ଷା ହେବା ନେଇ ପାଣିପାଗ ବିଭାଗ କହିଛି। ତାମିଲନାଡୁ, କେରଳ ଏବଂ ଉପକୂଳ କର୍ଣ୍ଣାଟକର ଏକ କିମ୍ବା ଦୁଇଟି ସ୍ଥାନରେ ପ୍ରବଳ ବର୍ଷା ସହିତ ଗୋଟିଏ କିମ୍ବା ଦୁଇଟି ସ୍ଥାନରେ ହାଲୁକା ରୁ ମଧ୍ୟମ ବର୍ଷା ହୋଇପାରେ। ତାମିଲନାଡୁ, ଆଭ୍ୟନ୍ତରୀଣ କର୍ଣ୍ଣାଟକ ଏବଂ ଲକ୍ଷ୍ମଦ୍ୱୀପ ଉପରେ ହାଲୁକା ବର୍ଷା ସହିତ ଗୋଟିଏ କିମ୍ବା ଦୁଇଟି ସ୍ଥାନରେ ମଧ୍ୟମ ବର୍ଷା ହୋଇପାରେ। ଦକ୍ଷିଣ ଆନ୍ଧ୍ରପ୍ରଦେଶର ଗୋଟିଏ କିମ୍ବା ଦୁଇଟି ସ୍ଥାନରେ ହାଲୁକା ବର୍ଷା ହେବା ନେଇ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି।

ସେହିପରି ଉତ୍ତର ଭାରତର କିଛି ପାହାଡ଼ିଆ ଅଞ୍ଚଳରେ ତୁଷାରପାତ ହେବ ବୋଲି ସୂଚନା ରହିଛି। ତେବେ ଚଳିତ ବର୍ଷ ତୁଷାରପାତ ବିଳମ୍ବରେ ହେବାକୁ ଥିବା ନେଇ ପାଣିପାଗ ବିଭାଗ କହିଛି। ଚଳିତ ଶୀତ ଋତୁରେ ଏହା ପ୍ରଥମେ ଶ୍ରୀନଗର ଓ ପରେ ମନାଲି ଏବଂ ଶିମଲାରେ ତୁଷାରପାତ ହୋଇଥିବା ଦେଖିବାକୁ ମିଳିଛି। ଗତକାଲି ଠାରୁ ତାମିଲନାଡୁର ଉପକୂଳବର୍ତ୍ତୀ ଅଞ୍ଚଳରେ ଲଗାତାର ପ୍ରବଳ ବର୍ଷାର ସମ୍ମୁଖୀନ ହେଉଥିବା ବର୍ଷା ଠାରୁ ଆରାମ ମିଳିଛି। ଏହାପୂର୍ବରୁ ପୁଡୁଚେରୀ, କରାଇକାଲ, କୁଡାଲୋର, ନାଗାପାଟ୍ଟିନାମ ଏବଂ ପାରଙ୍ଗିପେଟ୍ଟାଇ ଭଳି ସ୍ଥାନଗୁଡିକ ୨୪ ଘଣ୍ଟା ମଧ୍ୟରେ ୧୦୦ମିଲିମିଟରରୁ ଅଧିକ ବର୍ଷା ହୋଇଥିଲା। ଏପରିକି ତାମିଲନାଡୁର ରାଜଧାନୀ ଚେନ୍ନାଇରେ ମଧ୍ୟମ ଧରଣର ବର୍ଷା ହୋଇଥିବା ନେଇ ସୂଚନା ରହିଛି।

ସେପଟେ ରାଜ୍ୟରେ ଶୀତ ଲହରୀ ଜାରି ରହିଛି। ବୁଧବାର ସକାଳୁ ରାଜଧାନୀରେ ଘନ କୁହୁଡି ଦେଖିବାକୁ ମିଳିଛି। ଆସନ୍ତା ୧୩ ତାରିଖରୁ ରାଜ୍ୟରେ ରାତିର ତାପମାତ୍ରା କମିବ। ଫଳରେ ଶୀତ ବଢିବ। ସେହିପରି କୁହୁଡି ମଧ୍ୟ ରାଜ୍ୟରେ ଅଧିକ ରହିବ। ଆଜି ଓ ଆସନ୍ତାକାଲି ବିଭିନ୍ନ ସ୍ଥାନରେ ଘନ କୁହୁଡି଼ ଦୃଶ୍ୟମାନ ହୋଇପାରେ ବୋଲି ପାଣିପାଗ ବିଭାଗ କହିଛି ଆଭ୍ୟନ୍ତରୀଣ ଓଡି଼ଶା ଓ ଉପକୂଳ ଓଡି଼ଶାର ଅଧିକାଂଶ ସ୍ଥାନରେ ଘନ କୁହୁଡି଼ ଦେଖାଯିବ।