ନୂଆଦିଲ୍ଲୀ: ସୌର ମଣ୍ଡଳରେ ଥିବା ସମସ୍ତ ଗ୍ରହ ପରସ୍ପରଠାରୁ ଭିନ୍ନ, କିନ୍ତୁ ଅନେକ ଗ୍ରହରେ ସମାନତା ମଧ୍ୟ ଦେଖାଯାଏ । ପୃଥିବୀ ଏବଂ ମଙ୍ଗଳ ମଧ୍ୟରେ ଅନେକ ସମାନତା ଥିବାବେଳେ ପୃଥିବୀ ଏବଂ ଶୁକ୍ରଙ୍କର ଅନେକ ଭିନ୍ନତା ଥାଇ ମଧ୍ୟ କିଛି ସମାନତା ରହିଛି । ୟୁରାନସ ଏବଂ ନେପଚୁନ ଗ୍ରହରେ ମଧ୍ୟ ସମାନ ଘଟଣା ଦେଖିବାକୁ ମିଳେ । ବାସ୍ତବରେ, ବ୍ରିଟେନର ଏକ ନୂତନ ଅନୁସନ୍ଧାନରୁ ଜଣାପଡିଛି ଯେ ସୌର ମଣ୍ଡଳର ଶେଷ ଗ୍ରହ ୟୁରାନସ ଏବଂ ନେପଚୁନର ରଂଗ ନୀଳ ନୁହେଁ।
ବ୍ରିଟିଶ ଜ୍ୟୋତିର୍ବିଦଙ୍କ ନେତୃତ୍ୱରେ ଏକ ନୂତନ ଅନୁସନ୍ଧାନ କରାଯାଇଛି। ପ୍ରକାଶ ପାଇଥିବା ରିପୋର୍ଟ ମୁତାବିକ ୟୁରାନସ ଏବଂ ନେପଚୁନର ରଂଗ ପୂର୍ବ ତୁଳନାରେ ଭିନ୍ନ । ୧୯୮୦ ଦଶକରେ ସ୍ପେସ୍ ମିଶନ ପରେ ଉଭୟ ଗ୍ରହର ଫଟୋ ପ୍ରକାଶ କରାଯାଇଥିଲା । ନେପଚୁନର ରଙ୍ଗ ଗାଢ ନୀଳ ଏବଂ ୟୁରାନସ୍ ରଙ୍ଗ ସବୁଜ ଥିଲା । କିନ୍ତୁ ନୂତନ ଅଧ୍ୟୟନରୁ ଜଣାପଡିଛି ଯେ ଉଭୟ ଗ୍ରହର ରଙ୍ଗ ପ୍ରାୟତଃ ସମାନ ଯାହାକି ସବୁଜ-ନୀଳ ସେଡ୍ର ।
ଏହି ଦୁଇଟି ଗ୍ରହକୁ ହୀରା ବର୍ଷା ଗ୍ରହ ମଧ୍ୟ କୁହାଯାଏ । ଏହି ଦୁଇଟି ଗ୍ରହ ବିଶାଳ ବରଫରେ ନିର୍ମିତ । ଗ୍ରହର ବାୟୁମଣ୍ଡଳର ସବିଶେଷ ତଥ୍ୟ ଦେଖାଇବା ପାଇଁ ନେପଟୁନର ପୂର୍ବ ଫଟୋଗ୍ରାଫରେ ପରିବର୍ତ୍ତନ କରାଯାଇଥିଲା ।ତେଣୁ ଏହାର ମୂଳ ରଙ୍ଗ ପରିବର୍ତ୍ତନ ହେଲା ପରି ଦୃଶ୍ୟମାନ ହୋଇଥିଲା ।
ଏଡିନବର୍ଗ ୟୁନିଭରସିଟିର ପ୍ରଫେସର କ୍ୟାଥରିନ୍ ହେମାନ୍ସଙ୍କ ସୂଚନା ଅନୁସାରେ ଇନଷ୍ଟାଗ୍ରାମରେ ଫଟୋ ଅପଲୋଡ୍ କରିବା ସମୟରେ ଫଟୋ ଏଡିଟ କରାଯାଇଥିଲା। ସେ କହିଛନ୍ତି ଯେ ନେପଟୁନର ବାୟୁମଣ୍ଡଳରେ ଥିବା ବୈଶିଷ୍ଟ୍ୟଗୁଡିକ ଦେଖାଇବା ପାଇଁ ନୀଳ ରଙ୍ଗକୁ ଗାଢ କରଯାଇଥିଲା । ଏହି କାରଣରୁ ପୂର୍ବ ଫଟୋ ଅଧିକ ନୀଳ ଦେଖାଯାଏ । କିନ୍ତୁ ବାସ୍ତବରେ ନେପଚୁନର ରଙ୍ଗ ୟୁରାନସ୍ ସହିତ ସମାନ ।
ଅନୁସନ୍ଧାନର ନେତୃତ୍ୱ ନେଇଥିବା ଅକ୍ସଫୋର୍ଡ ୟୁନିଭରସିଟିର ପ୍ରଫେସର ପାଟ୍ରିକ୍ ଇରୱିନଙ୍କ ଅନୁଯାୟୀ ଜ୍ୟୋତିର୍ବିଜ୍ଞାନୀମାନେ ବହୁ ଦିନରୁ ଜାଣିଛନ୍ତି ଯେ ଦୁଇଟି ଗ୍ରହର ଚିତ୍ର ସେମାନଙ୍କର ପ୍ରକୃତ ରଙ୍ଗ ଭଳି ନୁହେଁ। ସେ ଆହୁରି ମଧ୍ୟ କହିଛନ୍ତି ଯେ କୃତ୍ରିମ ରଙ୍ଗ ସେହି ସମୟରେ ବୈଜ୍ଞାନିକମାନଙ୍କୁ ଜଣାଥିଲା। ଏହା ବ୍ୟତୀତ, ଯେତେବେଳେ ଏହି ଫଟୋ ରିଲିଜ୍ ହେଲା, ଏହି ଜିନିଷ କ୍ୟାପସନରେ ମଧ୍ୟ ଲେଖାଯାଇଥିଲା । କିନ୍ତୁ ସମୟ କ୍ରମେ ତାହା ହଜିଗଲା ।
ଏହା ବ୍ୟତୀତ ରୟାଲ ଜ୍ୟୋତିର୍ବିଜ୍ଞାନ ସୋସାଇଟିର ଡେପୁଟି ଡାଇରେକ୍ଟର ଡକ୍ଟର ରବର୍ଟ ମାସେ କହିଛନ୍ତି ଯେ ଜ୍ୟୋତିର୍ବିଜ୍ଞାନ ଅନୁସନ୍ଧାନରେ ଫଟୋଗ୍ରାଫର ରଙ୍ଗ ପରିବର୍ତ୍ତନ ଏକ ସାଧାରଣ ପ୍ରକ୍ରିୟା। ସେ କହିଛନ୍ତି ଯେ ଗ୍ରହଗୁଡିକୁ ଦେଖିବା ପାଇଁ ଏହିପରି ପରିବର୍ତ୍ତନ କରାଯାଇଥାଏ ।
Comments are closed.