ପୁରୀ: ଶନିବାର ଦିନ ଥୋମାସ୍ ଶେଲଡନ୍ ନାମକ ଜଣେ ବିଦେଶୀ ପର୍ଯ୍ୟଟକ ପୁରୀ ମହାପ୍ରଭୁ ଜଗନ୍ନାଥ ମନ୍ଦିର ପରିସରରେ ପ୍ରବେଶ କରିଥିବା ବେଳେ ସେଠାରେ ତାଙ୍କ ପ୍ରବେଶ ଉପରେ ନିଷେଧ କରାଯାଇଛି। ସେ କିଛି ସୁରକ୍ଷାକର୍ମୀଙ୍କୁ ମଧ୍ୟ ଆକ୍ରମଣ କରିଥିବା ଅଭିଯୋଗ ହୋଇଛି।
ମିଳିଥିବା ସୂଚନା ଅନୁଯାୟୀ, ସକାଳେ ପୁରୀ ବେଳାଭୂମିରେ ନିଶାସକ୍ତ ଅବସ୍ଥାରେ ଶେଲଡନ ଉଦ୍ଧାର ହୋଇଥିଲେ। ତାଙ୍କୁ ପୁରୀ ବେଳାଭୂମି ପୁଲିସ ଉଦ୍ଧାର କରି ଥାନାକୁ ନେଇଥିଲା। ଏହାପରେ ପୁରୀର ଏକ ଆଶ୍ରମରେ ରହୁଥିବା ତାଙ୍କ ପରିବାର ଲୋକେ ଥାନାରେ ପ୍ରତିଶ୍ରୁତି ଦେବା ପରେ ତାଙ୍କୁ ଆଣିଥିଲେ।
ଏହା ସତ୍ତ୍ୱେ ଶେଲଡନ୍ ଫେରି ଆସି ଶ୍ରୀମନ୍ଦିର ପରିସରକୁ ପ୍ରବେଶ କରିବାକୁ ଉଦ୍ୟମ କରିଥିଲେ। ଶ୍ରୀମନ୍ଦିର ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରିବା ପୂର୍ବରୁ ତାଙ୍କ ସହ ତାଙ୍କର ବିବାଦ ଲାଗି ରହିଥିଲା ବୋଲି କୁହାଯାଉଛି।
ପୁଲିସ ତାଙ୍କୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛି। ତେବେ ଏନେଇ ପୁଲିସ ପକ୍ଷରୁ କୌଣସି ଆନୁଷ୍ଠାନିକ ବୟାନ ଦିଆଯାଇନାହିଁ।
Comments are closed.