ବିଜେପୁର: ବରଗଡ଼ ନିର୍ବାଚନ ଅଧିକାରୀ ଶୁଶାନ୍ତ କୁମାର ସିଂ ଠାରେ ନାମାଙ୍କନ ଦାଖଲ କଲେ ମନ୍ତ୍ରୀ ରିତା ସାହୁ । ଆଜି ବିଜେପୁର ନିର୍ବାଚନ ମଣ୍ଡଳୀ ପାଇଁ ବିଜେଡି ବିଧାୟିକା ପ୍ରାର୍ଥୀନୀ ଭାବେ ରିତା ସାହୁ ନାମାଙ୍କନ ପତ୍ର ଦାଖଲ କଲେ ।
ରୀତା ସାହୁଙ୍କ ସହ ଶୋଭାଯାତ୍ରାରେ ବିଜେଡି ସାଂସଦ ପ୍ରାର୍ଥୀନୀ ପରିନିତା ମିଶ୍ର, ବିଜେପୁର ନିର୍ବାଚନ ମଣ୍ଡଳୀର ବିଜେପୁର, ବରପାଲି ଓ ଗାଇସିଲେଟ ବ୍ଲକର ଚେୟାରମେନ ସମେତ ବିଜେପୁର ଓ ବରପାଲି ଏନଏସି ଚେୟାରମ୍ୟାନ୍, ଜିଲ୍ଲା ପରିଷଦ ଅଧ୍ୟକ୍ଷା ପ୍ରମୁଖ ସାମିଲ ହୋଇଥିଲେ । ପ୍ରାୟ 10 ହଜାରରୁ ଉର୍ଦ୍ଧ୍ବ ସମର୍ଥକଙ୍କ ସହ ବିରାଟ ପଟୁଆରରେ ଶକ୍ତୀ ପ୍ରଦର୍ଶନ କରି ଶୋଭାଯାତ୍ରାରେ ବାହାରି ଜିଲ୍ଲା ପରିଷଦ ଅଫିସ ପହଞ୍ଚି ନାମାଙ୍କନ ପତ୍ର ଦାଖଲ କଲେ ।
ତେବେ ପୂର୍ବରୁ ଏହି ନିର୍ବାଚନ ମଣ୍ଡଳୀ ସାରା ରାଜ୍ୟରେ ରେକର୍ଡ ସଂଖ୍ୟକ ଭୋଟ୍ ଗ୍ରହଣ କରି ବିଜୁ ଜନତା ଦଳ ଇତିହାସ ସୃଷ୍ଟି କରିଥିଲା । ଏଥର ମଧ୍ୟ ବିପୁଳ ଭୋଟରେ ବିଜୟୀ ହେବେ ଓ ନବୀନ ପଟ୍ଟନାୟକଙ୍କୁ ଷଷ୍ଠ ଥର ମୁଖ୍ୟମନ୍ତ୍ରୀ କରିବାକୁ ବିଜେପୁର ନିର୍ବାଚନ ମଣ୍ଡଳୀବାସୀ ଦୃଢ଼ ସଂକଳ୍ପ ନେଇଥିବା ରିତା ସାହୁ ନିଜ ପ୍ରତିକ୍ରିୟା ରଖିଛନ୍ତି ।
Comments are closed.