ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ବାହୁଜନ ସମାଜ ପାର୍ଟି (ବିଏସପି) ପାଇଁ ଅତ୍ୟନ୍ତ ଖରାପ ଥିଲା। ଏହି ନିର୍ବାଚନରେ ଗୋଟିଏ ବି ଆସନ ଜିତି ପାରିନାହିଁ ବିଏସପି। ଏପରିକି ଉତ୍ତରପ୍ରଦେଶରେ ଯେଉଁଠାରେ ବିଏସପି ଏକଦା କ୍ଷମତାରେ ଥିଲା, ସେଠାରେ ମଧ୍ୟ ସେ ଖାତା ଖୋଲିବାକୁ ଅସମର୍ଥ ହେଲା। କିନ୍ତୁ ହଁ, ଦଳ ନିଶ୍ଚିତ ଭାବରେ ଏଠାରେ ବିଜେପି ପାଇଁ ସହାୟକ ହୋଇଥିଲେ। ରାଜ୍ୟରେ ଏପରି ୧୬ଟି ଆସନ ଅଛି ଯେଉଁଠାରେ ଏହାର ଭୋଟ୍ ବିଜେପିକୁ ସାହାଯ୍ୟ କରିଥିଲା।
ସେହି ୧୬ଟି ଆସନରେ ବିଜେପି ଏବଂ ଏହାର ସହଯୋଗୀ ଦଳର ବିଜୟ ବ୍ୟବଧାନ ଅପେକ୍ଷା ବିଏସପି ଅଧିକ ଭୋଟ୍ ପାଇଛି। ଏଥିମଧ୍ୟରୁ ବିଜେପି ୧୪ଟି ଆସନ ଜିତିଥିବା ବେଳେ ଏହାର ସହଯୋଗୀ ୨ଟି ଆସନ ଜିତିଛି। ଯଦି ଏହି ଆସନ ଗୁଡିକ ଇଣ୍ଡିଆ ଆଲାଇନ୍ସର ଖାତାକୁ ଯାଇଥାନ୍ତା, ତେବେ ଏନଡିଏର ସଂଖ୍ୟା ୨୭୮ରେ ରହିଥାନ୍ତା। ୟୁପିରେ ବିଜେପି ୩୩ଟି ଆସନ ଜିତିଛି। ଯଦି ଏହି ୧୪ଟି ଆସନରେ ହାରିଥାନ୍ତା ତେବେ ଏହାର ଆସନ ସଂଖ୍ୟା ମାତ୍ର ୧୯ ହୋଇଥାନ୍ତା, ଯାହା ଦଳ ପାଇଁ ଏକ ବଡ ଝଟକା ହୋଇଥାନ୍ତା।
ଭଦୋହିର ଉଦାହରଣ ଯିଦ ନିଆଯାଏ ତେବେ ଏଠାରେ ଇଣ୍ଡିଆ ଆଲାଇନ୍ସର ପ୍ରାର୍ଥୀ ଲଲିତେଶ ତ୍ରିପାଠୀ ୪.୨ ଲକ୍ଷ ଭୋଟ୍ ପାଇଛନ୍ତି। ଯେଉଁଠାରେ ବିଜେପିର ବିନୋଦ କୁମାର ବିନ୍ଦ ୪ ଲକ୍ଷ ୫୯ ହଜାର ୯୮୨ ଭୋଟ୍ ପାଇଛନ୍ତି। ସେ ପ୍ରାୟ ୪୫ ହଜାର ଭୋଟରେ ଜିତିଛନ୍ତି। ବିଏସପିର ହରିଶଙ୍କର ତୃତୀୟ ସ୍ଥାନରେ ରହିଥିଲେ। ତାଙ୍କୁ ୧ ଲକ୍ଷ ୫୫ ହଜାର ଭୋଟ ମିଳିଛି। ଯଦି ଏହି ସମାନ ଭୋଟ୍ ଇଣ୍ଡିଆ ଆଲାଇନ୍ସର ପ୍ରାର୍ଥୀ ଲଲିତେଶ ତ୍ରିପାଠୀଙ୍କ ଖାତାରେ ପଡ଼ିଥାନ୍ତା, ତେବେ ସେ ଜିତିଥାନ୍ତେ।
ମିର୍ଜାପୁରରେ ଅପ୍ନା ଦଳ (ସୋନେଲାଲ୍) ର ଅନୁପ୍ରିୟା ପଟେଲ ବିଜୟ ହାସଲ କରିଛନ୍ତି। ତାଙ୍କୁ ୪ ଲକ୍ଷ ୭୧ ହଜାର ୬୩୧ ଭୋଟ୍ ମିଳିଛି। ଯେତେବେଳେ କି ଏସପି ରମେଶ ଚାନ୍ଦ ବିନ୍ଦଙ୍କୁ ୪ଲକ୍ଷ ୩୩ ହଜାର ୮୨୧ ଭୋଟ ମିଳିଛି। ଅନୁପ୍ରିଆ ପ୍ରାୟ ୩୮ ହଜାର ଭୋଟରେ ଜିତିଛନ୍ତି। ଏଠାରେ ବିଏସପି ତୃତୀୟ ସ୍ଥାନରେ ରହିଛି। ମନୀଷ କୁମାରଙ୍କୁ ୧ ଲକ୍ଷ ୪୪ ହଜାର ୪୪୬ ଭୋଟ୍ ମିଳିଛି। ଅନୁପ୍ରିଆଙ୍କ ବିଜୟରେ ବିଏସପିର ଏହି ଭୋଟ୍ ଗୁରୁତ୍ୱପୂର୍ଣ୍ଣ ପ୍ରମାଣିତ ହୋଇଛି।
Comments are closed.