ଲକ୍ଷ୍ନୌ: ଉତ୍ତରପ୍ରଦେଶର କନ୍ନୌଜ ଲୋକସଭା ଆସନରୁ ଜିତିବା ପରେ ସମାଜବାଦୀ ପାର୍ଟି (ସପା)ର ମୁଖ୍ୟ ଅଖିଳେଶ ଯାଦବ ବିଧାନସଭା ପଦବୀରୁ ଇସ୍ତଫା ଦେଇଛନ୍ତି। ସେ କରହଲ ବିଧାନସଭା ଆସନ ଓ ବିରୋଧୀଦଳର ନେତା ପଦରୁ ଇସ୍ତଫା ଦେଇଛନ୍ତି। ବର୍ତ୍ତମାନ କରହଲ ଆସନରେ ଉପ-ନିର୍ବାଚନ ଅନୁଷ୍ଠିତ ହେବ। ଏବେ ସେ ଲୋକସଭାରେ କନୌଜ ଆସନକୁ ପ୍ରତିନିଧିତ୍ୱ କରିବେ।
କୁହାଯାଉଛି ଯେ ସମାଜବାଦୀ ପାର୍ଟି ମୁଲାୟମ ସିଂ ଯାଦବଙ୍କ ନାତି ତେଜ ପ୍ରତାପ ଯାଦବଙ୍କୁ କରହଲ ବିଧାନସଭା ଆସନ ପାଇଁ ପ୍ରାର୍ଥୀ କରାଯିବ। ଏଥି ସହ ବିରୋଧୀଦଳର ନେତା ପଦ ପାଇଁ ଅଖିଳେଶଙ୍କ ମାମୁଁ ଶିବପାଲ ଯାଦବଙ୍କ ନାମ ଉପରେ ମଧ୍ୟ ଆଲୋଚନା ହେଉଛି। ତେବେ ସପାର ନେତୃତ୍ୱ ଦ୍ୱାରା ଚୂଡ଼ାନ୍ତ ନିଷ୍ପତ୍ତି ନେବାକୁ ପଡିବ।
କହିବାକୁ ଗଲେ ଅଖିଳେଶ ଯାଦବ ଲୋକସଭା ନିର୍ବାଚନରେ ୨୦୨୪ରେ କନ୍ନୌଜ ଆସନରୁ ଜିତିଛନ୍ତି। ୨୦୨୨ ୟୁପି ବିଧାନସଭା ନିର୍ବାଚନରେ ସେ ମେନ୍ପୁରୀ ଜିଲ୍ଲାର କରହଲ ବିଧାନସଭା ନିର୍ବାଚନମଣ୍ଡଳୀରୁ ଜିତିଥିଲେ। ସେ ବିଧାନସଭାରେ ବିରୋଧୀ ଦଳର ନେତା ଭାବରେ ମଧ୍ୟ କାର୍ଯ୍ୟ କରିଥିଲେ। ତେବେ ସାଂସଦ ହେବା ପରେ ତାଙ୍କୁ ଏକ ପଦ ଛାଡିବାକୁ ପଡିଲା। ଏଭଳି ପରିସ୍ଥିତିରେ ସେ ଲୋକସଭାର ସଦସ୍ୟ ହେବାକୁ ଚୟନ କଲେ ଏବଂ ବିଧାନସଭାରୁ ଇସ୍ତଫା ଦେଲେ।
Comments are closed.