ଶ୍ରୀନଗର: ଆରମ୍ଭ ହେଲା ବହୁ ପ୍ରତିକ୍ଷୀତ ଅମରନାଥ ଯାତ୍ରା ।ଏହି ପରିପ୍ରେକ୍ଷୀରେ ଶୁକ୍ରବାର ପ୍ରଥମ ଦଫାରେ ଶ୍ରଦ୍ଧାଳୁମାନେ ଶ୍ରୀନଗର ଅଭିମୁଖେ ଯାତ୍ରାରମ୍ଭ କରିଛନ୍ତି । ଜାମ୍ମୁ-କାଶ୍ମୀର ଉପରାଜ୍ୟପାଳ ମନୋଜ ସିହ୍ନା ପ୍ରଥମେ ମନ୍ଦିରରେ ପୂଜାର୍ଚ୍ଚନା କରିବା ପରେ ପତାକା ଦେଖାଇ ଏହି ଯାତ୍ରାର ଶୁଭାରମ୍ଭ କରିଛନ୍ତି ।
ପ୍ରଥମ ପର୍ଯ୍ୟାୟରେ ୨ଟି ମାର୍ଗରେ ୪ ହଜାର ୬୦୩ ତୀର୍ଥଯାତ୍ରୀ ଅମରନାଥଙ୍କ ଦର୍ଶନ ନିମନ୍ତେ ପହଞ୍ଚିଛନ୍ତି। ୫୨ ଦିବସୀୟ ଏହି ଯାତ୍ରା ଅଗଷ୍ଟ ୧୯ ତାରିଖରେ ଶେଷ ହେବ ।କଡା ସୁରକ୍ଷା ଓ ବ୍ୟାପକ ବ୍ୟବସ୍ଥା ମଧ୍ୟରେ ଯାତ୍ରୀମାନେ ପହଲଗାମ-ନୁନ୍ଓ୍ବାନ ଓ ବାଲଟାଲ ୨ଟି ମାର୍ଗରୁ ବାହାରିଛନ୍ତି ।
ଦୁଇଟି ରାସ୍ତା ଦେଇ ଅମରନାଥକୁ ଯାଉଛନ୍ତି ଶ୍ରଦ୍ଧାଳୁ । ପହଲଗାମ ରାସ୍ତା ୪୮ କିଲୋମିଟର ହୋଇଥିବା ବେଳେ ବଲତାଲ ରାସ୍ତା ୧୪ କିଲୋମିଟର । ଅମରନାଥଙ୍କ ଦର୍ଶନ ଆଷାଢ ପୂର୍ଣ୍ଣମାରୁ ଆରମ୍ଭ ହୋଇ ଶ୍ରାବଣ ପୂର୍ଣ୍ଣିମା ପର୍ଯ୍ୟନ୍ତ ଚାଲିଥାଏ । ଅର୍ଥାତ ବାବା ଅମରନାଥ ଭକ୍ତମାନଙ୍କୁ ଦୁଇମାସ ଧରି ଦର୍ଶନ ଦେଇଥାନ୍ତି । ଭଗବାନ ଶିବଙ୍କର ଏକ ପ୍ରମୁଖ୍ୟ ତୀର୍ଥସ୍ଥଳି ଅମରନାଥ ଧାମ ଭଗବାନ ଶିବଙ୍କର ଦୁର୍ଲଭ ଏବଂ ପ୍ରାକୃତିକ ଦର୍ଶନ ପାଇଥାନ୍ତି ଭକ୍ତମାନେ ।
ସେପଟେ ପ୍ରଭୁ ଅମରନାଥଙ୍କ ଗୁମ୍ଫା ଆଗରେ ଶୋଭା ପାଇଛି କର୍ଣ୍ଣାଟକ ମହିଶୂରର ସ୍ଥପତି ଅରୁଣ ଯୋଗୀରାଜଙ୍କ ହାତ ତିଆରି ନନ୍ଦି ମହାରାଜଙ୍କ ମୂର୍ତ୍ତି। ୩ ଫୁଟ ଉଚ୍ଚତା ବିଶିଷ୍ଟ ଏହି ନନ୍ଦୀ ପ୍ରତିମୂର୍ତ୍ତି କୃଷ୍ଣଶିଳା ପଥରରେ ନିର୍ମିତ । ନନ୍ଦୀଙ୍କର ଏହି ପ୍ରତିମୂର୍ତ୍ତିର ବେକରେରେ ଘଣ୍ଟି, ଘାଗୁଡ଼ି, ଦଉଡ଼ି ଆଦି ଖୋଦିତ କରାଯାଇଅଛି। ଅମରନାଥ ମନ୍ଦିରରେ ସାମ୍ନାରେ ଏହାକୁ ସ୍ଥାପନ କରାଯାଇଅଛି।
କହିରଖୁଛୁ ଯେ ଅଯୋଧ୍ୟାର ରାମମନ୍ଦିରରେ ସ୍ଥାପନ ହୋଇଥିବା ରମଲାଲାଙ୍କ ପ୍ରତିମୂର୍ତ୍ତିକୁ ଅରୁଣ ଯୋଗୀରାଜ୍ ନିର୍ମାଣ କରିଥିଲେ।
Comments are closed.