ପ୍ରତିଦିନ କାଜୁ ବାଦାମ ଖାଇବା ସ୍ୱାସ୍ଥ୍ୟ ପାଇଁ ଭଲ ବୋଲି ଆମେ ଜାଣୁ। ତାଛଡ଼ା କାଜୁକୁ ଡ୍ରାଏ ଫ୍ରୁଟ୍ସର ରାଜା ଭାବରେ ବିବେଚନା କରାଯାଏ। ଏହାର ସ୍ୱାଦ ଅନ୍ୟ ଡ୍ରାଏ ଫ୍ରୁଟ୍ସମାନଙ୍କ ଅପେକ୍ଷା ଭଲ, ସେଥିପାଇଁ ଏହା ଅନ୍ୟ ଡ୍ରାଏ ଫ୍ରୁଟ୍ସ ଅପେକ୍ଷା ମହଙ୍ଗା ବିକ୍ରି ହୁଏ । କିନ୍ତୁ କାଜୁ ବାଦାମ କିଣିବା ସମସ୍ତଙ୍କ ପାଇଁ ସମ୍ଭବ ନୁହେଁ। କାରଣ ଏହାର କିଲୋଗ୍ରାମ ପିଛା ପ୍ରାୟ ୧୦୦୦ ଟଙ୍କାରେ ବିକ୍ରି ହୁଏ। କିନ୍ତୁ ଆପଣ ଜାଣନ୍ତି କି ଭାରତରେ ଏପରି ଏକ ସ୍ଥାନ ଅଛି ଯେଉଁଠାରେ ପନିପରିବା ପରି ଆପଣ କାଜୁ ବାଦାମ କିଲୋଗ୍ରାମ ପିଛା ମାତ୍ର ୪୦ ରୁ ୫୦ ଟଙ୍କାରେ କିଣି ପାରିବେ।
ଓଡ଼ିଶାର ପଡ଼ୋଶୀ ହେଉଛି ଝାଡ଼ଖଣ୍ଡ । ଜମତାରା ଝାଡଖଣ୍ଡର ଏକ ଛୋଟ ସହର, ଏଠାରେ ଆପଣ ଆଳୁ ଏବଂ ଟମାଟୋ ଅପେକ୍ଷା ଶସ୍ତା ମୂଲ୍ୟରେ କାଜୁ ପାଇପାରିବେ । ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଯେ ଯେତେବେଳେ ବଜାରରେ କାଜୁ ବାଦାମ କିଲୋଗ୍ରାମ ପିଛା ହଜାର ଟଙ୍କାରେ ବିକ୍ରି ହେଉଛି, ତେବେ ସେଗୁଡିକ କିପରି ଏତେ ଶସ୍ତା ମିଳିବ । ସେଠାରେ ଏତେ ଶସ୍ତାରେ କାଜୁ ମିଳିବା ପଛର କିଛି ଖାସ୍ କାରଣ ମଧ୍ୟ ରହିଛି । ଝାରଖଣ୍ଡରେ ହଜାର ହଜାର ଟନର କାଜୁ ଉତ୍ପାଦନ ହୋଇଥାଏ । ଜାମତାରା ଠାରୁ ପାଖାପାଖି ୪ କିମି ଦୂରରେ ପାଖାପାଖି ୪୯ ଏକର ବିଶିଷ୍ଟ କୃଷି ଭୂମିରେ କାଜୁ ଚାଷ କରାଯାଇଥାଏ । ସେଠାକାର ଲୋକମାନେ କାଜୁର ନିଲାମ ଡାକି ଶସ୍ତାରେ ଡ୍ରାଏ ଫ୍ରୁଟସ ବିକ୍ରି କରିଥାନ୍ତି ।
ଠାରେ ପ୍ରତିବର୍ଷ ହଜାରେ ଟନ୍ କାଜୁ ବାଦାମ ଉତ୍ପାଦିତ ହୁଏ। ଏଠାରେ ମହିଳାମାନେ ରାସ୍ତାକଡ଼ରେ କେଜି ପିଛା ୨୦ରୁ ୩୦ ଟଙ୍କା ପର୍ଯ୍ୟନ୍ତ ବିକ୍ରି କରିଥାନ୍ତି। ଜାମତରା ନାଲା ଗାଁରେ ପ୍ରାୟ ୫୦ ଏକର ଜମିରେ କାଜୁ ଚାଷ କରାଯାଏ। ଏହାକୁ ଝାଡ଼ଖଣ୍ଡର କାଜୁ ସହର କୁହାଯାଏ। ଏଠାରେ ଯେତିକି କାଜୁ ଗଛ ଅଛି ଅନ୍ୟ କେଉଁସ୍ଥାନରେ ନାହିଁ। ଯେଉଁଠାରେ କାର୍ଯ୍ୟରତ ଲୋକମାନେ ଅତି ଶସ୍ତା ମୂଲ୍ୟରେ ଶୁଖିଲା ଫଳ ବିକ୍ରି କରନ୍ତି। ଏଠାରେ କୃଷକମାନଙ୍କର ଚାଷ କରିବା ପାଇଁ ଅଧିକ ସୁବିଧା ନାହିଁ, ତଥାପି କୃଷକମାନେ ଏହି ଚାଷରେ ଖୁସି ଅଛନ୍ତି।
Comments are closed.