ନୂଆଦିଲ୍ଲୀ: ଆଜି ଦେଶ ପାଳୁଛି ୭୮ତମ ସ୍ବାଧୀନତା ଦିବସ। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀ ଲାଲକିଲ୍ଲାରୁ ପତାକା ଉତ୍ତୋଳନ କରିଛନ୍ତି। ଏହା ପରେ ଏକାଦଶ ଥର ପାଇଁ ଦେଶକୁ ସମ୍ବୋଧିତ କରୁଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, ଆମେ ସ୍ବାଧୀନତାର ପୂର୍ବ ସେହି ଦିନଗୁଡ଼ିକୁ ମନେ ପକାଇବା। ଶହ ଶହ ବର୍ଷର ଦାସତ୍ୱ । ପ୍ରତ୍ୟେକ ଅବଧି ଏକ ସଂଘର୍ଷ ହୋଇଆସୁଛି । ସେ ମହିଳା, ଯୁବକ କିମ୍ବା ଆଦିବାସୀ ହୁଅନ୍ତୁ, ସେମାନେ ସମସ୍ତେ ଦାସତ୍ୱ ବିରୋଧରେ ଲଢେଇ ଜାରି ରଖିଥିଲେ।
୧୮୫୭ର ସ୍ବାଧୀନତା ସଂଗ୍ରାମ ପୂର୍ବରୁ ମଧ୍ୟ ଆମର ଅନେକ ଆଦିବାସୀ କ୍ଷେତ୍ର ଥିଲା, ଯେଉଁଠାରେ ସ୍ବାଧୀନତା ପାଇଁ ଯୁଦ୍ଧ ହୋଇଥିଲା। ଦେଶର ସ୍ବାଧୀନତା ପାଇଁ କେବଳ ଗୋଟିଏ ସ୍ବପ୍ନ ଥିଲା । ଆମେ ଗର୍ବିତ ଯେ ଆମେ ସେମାନଙ୍କ ବଂଶଧର। ୪୦ କୋଟି ଲୋକ ବିଶ୍ୱର ସର୍ବଶ୍ରେଷ୍ଠ ଶକ୍ତିକୁ ଧ୍ୱଂସ କରିଦେଇଥିଲେ। ଯଦି ଆମର ପୂର୍ବଜ, ଯାହାର ରକ୍ତ ଆମ ଶିରାରେ ଅଛି, ଆଜି ଆମେ ୧୪୦ କୋଟି । ଯଦି ଆମେ ସଙ୍କଳ୍ପ ସହିତ ଆଗକୁ ବଢିବା, ତେବେ ବିକଶିତ ଭାରତର ଲକ୍ଷ୍ୟ ହାସଲ କରିପାରିବା ବୋଲି ପ୍ରଧାନମନ୍ତ୍ରୀ କହିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି, ସ୍ବାଧୀନତା ସଂଗ୍ରାମୀଙ୍କ ନିକଟରେ ଦେଶବାସୀ ଋଣୀ। ଦେଶ ଗଠନରେ ଯବାନ ଓ ଚାଷୀଙ୍କ ଭୂମିକା ପ୍ରଶଂସନୀୟ। ୨୦୪୭ ସୁଦ୍ଧା ବିକଶିତ ଭାରତ ଗଠନ ଲକ୍ଷ୍ୟ ରଖାଯାଇଛି। ଏହା ଦେଶ ପାଇଁ ସ୍ବର୍ଣ୍ଣିମ କାଳଖଣ୍ଡ । ଏହି ସ୍ବର୍ଣ୍ଣିମ କାଳଖଣ୍ଡକୁ ହାତଛଡ଼ା କରିବା ଉଚିତ ନୁହେଁ। ସେହିପରି ମେଡିକାଲ ସିଟ୍ ନେଇ ମୋଦି ବଡ଼ ଘୋଷଣା କରିଛନ୍ତି। ଆଗାମୀ ୫ ବର୍ଷରେ ୭୫ ହଜାର ମେଡିକାଲ ସିଟ୍ ସୃଷ୍ଟି କରାଯିବ। ସିଟ୍ ସଂଖ୍ୟା ବଢ଼ିଲେ ଯୁବପିଢ଼ିଙ୍କୁ ବିଦେଶ ଯିବାକୁ ପଡ଼ିବନି।
ନୂଆ ଶିକ୍ଷାନୀତିରେ ବିଜ୍ଞାନ ଓ ଜ୍ଞାନକୌଶଳକୁ ଗୁରୁତ୍ବ ଦିଆଯାଇଛି। ଗବେଷଣାକୁ ଅଧିକ ସୁଦୃଢ କରିବାକୁ ପ୍ରାଥମିକତା ଦିଆଯାଇଛି। ମେଡିକାଲ ଶିକ୍ଷା ପାଇଁ ଯୁବପିଢ଼ି ବିଦେଶକୁ ଯାଉଛନ୍ତି। ଆଗାମୀ ୫ ବର୍ଷରେ ୭୫ ହଜାର ମେଡିକାଲ ସିଟ୍ ସୃଷ୍ଟି କରିବେ ବୋଲି ମୋଦି କହିଛନ୍ତି।
Comments are closed.