ନୂଆଦିଲ୍ଲୀ: ସୀମା ବିବାଦକୁ ନେଇ ନେପାଳ ଏବଂ ଭାରତ ମଧ୍ୟରେ ଚିନ୍ତା ଜାରି ରହିଥିବା ବେଳେ ଏବେ ଆଉ ଏକ ଘଟଣା ଚିନ୍ତା ବଢାଇଛି । ନିକଟରେ ନେପାଳ ନୋଟରେ ଏକ ନୂତନ ମାନଚିତ୍ର ଛାପିବାକୁ ମଞ୍ଜୁରୀ କରିଥିଲା, ଯେଉଁଥିରେ ଭାରତର ଅନେକ ଅଞ୍ଚଳ ଦେଖାଯାଇଛି । ରିପୋର୍ଟ ଅନୁଯାୟୀ, ନେପାଳର ସେଣ୍ଟ୍ରାଲ୍ ବ୍ୟାଙ୍କ ଅପଡେଟ୍ ମାନଚିତ୍ର ନୋଟ୍ ଛାପିବା ଆରମ୍ଭ କରିଛି । ଭାରତର ବିବାଦୀୟ ଅଞ୍ଚଳ ମଧ୍ୟ ସେଥିରେ ଛପା ହେବ ।
ମୁଖପାତ୍ର କହିଛନ୍ତି ଯେ, ନେପାଳର ବ୍ୟାଙ୍କ ମାନଚିତ୍ର ସହିତ ନୋଟ୍ ଛାପିବା ପ୍ରକ୍ରିୟାକୁ ଆରମ୍ଭ କରିଛି। ନୂତନ ମାନଚିତ୍ରରେ କଳାପାଣି, ଲିପୁଲେଖ ଏବଂ ଲିମ୍ପିୟାଧୁରା ଅନ୍ତର୍ଭୁକ୍ତ, ଭାରତ ଏହି ଅଞ୍ଚଳକୁ ନିଜର ଅଞ୍ଚଳ ବୋଲି ଦାବି କରୁଥିବାବେଳେ ସେପଟେ ନେପାଳ ଏହାକୁ ତା’ର ଅଞ୍ଚଳ ବୋଲି ଦାବି କରିଛି। ରିପୋର୍ଟରେ କୁହାଯାଇଛି ଯେ, ବ୍ୟାଙ୍କ ନୋଟଗୁଡ଼ିକର ମୁଦ୍ରଣ ୬ ମାସରୁ ଏକ ବର୍ଷ ମଧ୍ୟରେ ଶେଷ ହେବ। କହି ରଖୁଛୁ ଯେ, ତତ୍କାଳୀନ ପ୍ରଧାନମନ୍ତ୍ରୀ ପୁଷ୍ପା କମଲ ଦହଲ ପ୍ରଚଣ୍ଡ ଏହାକୁ ମେ ୩ ରେ ଅନୁମୋଦନ କରିଥିଲେ । କିନ୍ତୁ ପରେ ଏହାକୁ ଭାରତ ସରକାର ବିରୋଧ କରିଥିଲେ।
ସୂଚନା ଅନୁସାରେ, ଟେଣ୍ଡର ପରେ ମୁଦ୍ରଣ ପ୍ରକ୍ରିୟା ଆରମ୍ଭ ହୋଇଛି। ଇଣ୍ଡୋନେସିଆ, ବ୍ରିଟେନ, ଅଷ୍ଟ୍ରେଲିଆ, ଫ୍ରାନ୍ସ ଏବଂ ଅନ୍ୟାନ୍ୟ ଦେଶରେ ନେପାଳୀ ନୋଟ୍ ଛପା ହେଉଛି । ବ୍ୟାଙ୍କ ୧୦୦ ଟଙ୍କିଆ ନୋଟ୍ ଛାପିବ। ତେବେ ନୂଆ ମାନଚିତ୍ର ସହିତ କେତେ ନୋଟ୍ ବଜାରରେ ଆସିବ ସେନେଇ କୌଣସି ସୂଚନା ମିଳିପାରିନାହିଁ । କିନ୍ତୁ ୧୦୦ ଟଙ୍କା ନୋଟ୍ ପରେ ବ୍ୟାଙ୍କ ଆବଶ୍ୟକତା ଅନୁଯାୟୀ ନୂତନ ମାନଚିତ୍ର ସହିତ ଅଧିକ ନୋଟ୍ ଛପାଯିବ । ସେପଟେ ଭାରତ କ୍ରମାଗତ ଭାବରେ ଦାବି କରିଛି ଯେ, ଲିପୁଲେଖ, କଳାପାଣି ଏବଂ ଲିମ୍ପିୟାଧୁରା ତା’ର ଅଂଶ।
Comments are closed.