ଲକ୍ଷ୍ନୌ: ଉତ୍ତରପ୍ରଦେଶର ରୁଦ୍ରପ୍ରୟାଗ ଜିଲ୍ଲାର ଅନେକ ଗ୍ରାମରେ ଅଣ-ହିନ୍ଦୁ ଏବଂ ରୋହିଙ୍ଗ୍ୟାଙ୍କ ପ୍ରବେଶକୁ ବାରଣ କରାଯାଇଛି। ଏଥିପାଇଁ ପ୍ରତ୍ୟେକ ଗ୍ରାମରେ ଲଗାଯାଇଛି ସାଇନ୍ ବୋର୍ଡ। ଏହା ପରେ ବର୍ତ୍ତମାନ ରାଜନୀତି ତୀବ୍ର ହୋଇଛି। ଅନ୍ୟପଟେ ଏହି ଘଟଣାକୁ ନେଇ ପୋଲିସ କଡ଼ା ଚେତାବନୀ ଦେଇଛି। ଏହି ଘଟଣାକୁ ନେଇ ପରିବେଶ ନଷ୍ଟ କରିବାକୁ ଚେଷ୍ଟା କରୁଥିବା ବ୍ୟକ୍ତିଙ୍କ ବିରୋଧରେ ସମ୍ପୃକ୍ତ ବିଭାଗ ଅଧୀନରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଗତ ସପ୍ତାହରେ ଚାମୋଲିରେ ଏକ ଯୌନ ଶୋଷଣ ଘଟଣା ଘଟିଥିଲା। ଏହି ଘଟଣା ପରେ ସ୍ଥାନୀୟ ଲୋକେ ଏକ ନିର୍ଦ୍ଦିଷ୍ଟ ସମ୍ପ୍ରଦାୟ ବିରୁଦ୍ଧରେ ମୋର୍ଚ୍ଚା ଆରମ୍ଭ କରି ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ଦାବି କରିଥିଲେ। ଉକ୍ତ ମମଲାରେ ଅଭିଯୁକ୍ତଙ୍କୁ ଗିରଫ କରାଯାଇଥିଲା, କିନ୍ତୁ ଏହାର ବିକ୍ଷୋଭ ରୁଦ୍ରପ୍ରୟାଗରେ ପହଞ୍ଚିଥିଲା। ଏହି ମାମଲାକୁ ଆଧାର କରି ସୋନପ୍ରାୟାଗ ଗ୍ରାମରେ ଅଣ-ହିନ୍ଦୁ ଏବଂ ରୋହିଙ୍ଗ୍ୟାଙ୍କ ବିରୋଧରେ ପୋଷ୍ଟର ଲଗାଗଲା। ଅଣ-ହିନ୍ଦୁ ଓ ରୋହିଙ୍ଗ୍ୟାମାନେ ଗାଁରେ ପ୍ରବେଶ କଲେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଷ୍ଟରରେ ଉଲ୍ଲେଖ ରହିଛି।
ରୁଦ୍ରପ୍ରୟାଗ ଜିଲ୍ଲାର ସିର୍ସି ଗାଁର ବାସିନ୍ଦା ଅଶୋକ ସାନୱାଲ କହିଛନ୍ତି ଯେ ଆମେ ଲୋକମାନଙ୍କୁ ଏଠାରେ କାମ କରିବାକୁ ଅନୁମତି ଦେଇଥାଉ। କିନ୍ତୁ ମହିଳାମାନେ ଗାଁରେ ଏକୁଟିଆ ରୁହନ୍ତି, ଯେଉଁ କାରଣରୁ ଏଭଳି ଘଟଣା ଘଟିବାର ଆଶଙ୍କା ରହିଛି। ସେଥିପାଇଁ ଆମେ ପୋଷ୍ଟର ଲଗାଇଛୁ, ଯାହାଦ୍ୱାରା ଯାଞ୍ଚ ବିନା ଏବଂ ପରିଚୟ ପତ୍ର ବିନା ଗାଁରେ କେହି ପ୍ରବେଶ କରିପାରିବେ ନାହିଁ। ସମ୍ପ୍ରତି ଆମର ମନ୍ଦିରଗୁଡିକରେ ମଧ୍ୟ ଚୋରି ହୋଇଥିଲା, ଯାହାକୁ ଆମେ ସୁରକ୍ଷା ଦୃଷ୍ଟିରେ ରଖି ଏହି ପଦକ୍ଷେପ ନେଇଛୁ।
ଏହି ପ୍ରସଙ୍ଗରେ, ଏଆଇଏମ୍ଆଇଏମ୍ ରାଜ୍ୟ ସଭାପତି ନାୟାର କାଜମୀ ଉତ୍ତରପ୍ରଦେଶର ଡିଜିପିଙ୍କୁ ଭେଟିଥିଲେ ଏବଂ ଅଣ-ହିନ୍ଦୁମାନଙ୍କ ପ୍ରବେଶ ଉପରେ ପ୍ରତିବନ୍ଧକ ଲଗାଇବା ଏବଂ ମୁସଲମାନମାନଙ୍କ ବିରୁଦ୍ଧରେ ଘଟୁଥିବା ଘଟଣାଗୁଡ଼ିକ ଉପରେ କାର୍ଯ୍ୟାନୁଷ୍ଠାନ ଦାବି କରିଥିଲେ। ସେ ଅଭିଯୋଗ କରିଛନ୍ତି ଯେ ବିବାଦ ପରେ ମୁସଲମାନମାନଙ୍କୁ ଆକ୍ରମଣ କରାଯାଇଥିଲା ଏବଂ ସେମାନଙ୍କ ଘର ଲୁଟ ହୋଇ ସେମାନଙ୍କୁ ଯିବାକୁ ବାଧ୍ୟ କରାଯାଇଥିଲା। କେତେକ ସାମାଜିକ ବିରୋଧୀ ଉପାଦାନ ମଧ୍ୟ ପୋଷ୍ଟର ଲଗାଇ ସେମାନଙ୍କୁ ବ୍ୟବସାୟ ନକରିବାକୁ ଏବଂ ଗାଁରେ ପ୍ରବେଶ ନକରିବାକୁ କହିଥିଲେ ଯାହା ସୋସିଆଲ ମିଡିଆରେ ଭାଇରାଲ ହେଉଛି।
Comments are closed.