କୋରିଓଗ୍ରାଫର ଜାନି ମାଷ୍ଟରଙ୍କ ନାଁରେ ଯୌନ ନିର୍ଯାତନା ଅଭିଯୋଗ

ହାଇଦ୍ରାବାଦ: ତେଲୁଗୁ କୋରିଓଗ୍ରାଫର ଜାନି ମାଷ୍ଟରଙ୍କ ନାଁରେ ଯୌନ ନିର୍ଯାତନା ଅଭିଯୋଗ ହୋଇଛି। ଜାତୀୟ ପୁରସ୍କାର ପ୍ରାପ୍ତ ନୃତ୍ୟ ନିର୍ଦେଶକ ଜାନି ମାଷ୍ଟରଙ୍କ ନାଁରେ ରୁଜୁ ହୋଇଛି ଦୁଷ୍କର୍ମ ମାମଲା। ତାଙ୍କ କାର୍ଯ୍ୟ କରୁଥିବା ଜଣେ ୨୧ ବର୍ଷୀୟା ଯୁବତୀଙ୍କୁ ଜାନି ଦୁଷ୍କର୍ମ କରିଥିବା ଅଭିଯୋଗ ହୋଇଛି।

ତାଙ୍କ ନାଁରେ ତେଲେଙ୍ଗାନାର ରାୟଦର୍ଗୁ ପୋଲିସ ଷ୍ଟେସନରେ ମାମଲା ରୁଜୁ କରିଛନ୍ତି । ପୋଲିସକୁ ଦେଇଥିବା ଅଭିଯୋଗରେ ମହିଳା ଜଣକ କହିଛନ୍ତି ଯେ ସେ କୋରିଓଗ୍ରାଫର ଜାନି ମାଷ୍ଟରଙ୍କ ସହ କାମ କରିଥିଲେ ଏବଂ ଏହି ସମୟରେ ତାଙ୍କୁ ଯୌନ ନିର୍ଯାତନା ଦିଆଯାଇଥିଲା। ଅଭିଯୋଗରେ ଦର୍ଶାଯାଇଛି ଯେ, ପୀଡ଼ିତା ଜାନି ମାଷ୍ଟରଙ୍କ ସହିତ କିଛି ବର୍ଷ ହେବ କାମ କରିଆସୁଥିଲେ। ଦେଶର ବିଭିନ୍ନ ସ୍ଥାନରେ ଶୁଟିଂ କାର୍ଯ୍ୟ ପାଇଁ ସେ ଜାନିଙ୍କ ସହିତ ଗସ୍ତ କରୁଥିଲେ।

ଏହି ସମୟ ମଧ୍ୟରେ ଜାନି ତାଙ୍କୁ ଦୁଷ୍କର୍ମ କରିବା ସହିତ ଏ ବିଷୟରେ ପ୍ରଘଟ ନ କରିବାକୁ ଚେତାବନୀ ଦେଇଥିଲେ। ମହିଳାଙ୍କ ଅଭିଯୋଗ ପରେ ଏକ ଏଫ୍ଆଇଆର୍ ପଞ୍ଜିକୃତ ହୋଇଛି ଏବଂ ମାମଲା ବର୍ତ୍ତମାନ ନରସିଂହୀ ପୋଲିସକୁ ହସ୍ତାନ୍ତର କରାଯାଇଛି । ଏଥିସହ ପୋଲିସ ବର୍ତ୍ତମାନ ଘଟଣାର ତଦନ୍ତ ଆରମ୍ଭ କରିଛି ।

ତାମିଲ ସିନେମାରେ ଜାନି ମାଷ୍ଟର ରଜନୀକାନ୍ତ, ଧନୁଷ ଏବଂ ଥାଲପତି ବିଜୟଙ୍କ ସହ ହିଟ୍ ଗୀତ କୋରିଓଗ୍ରାଫ୍ କରିଛନ୍ତି । ଜାନି ମାଷ୍ଟର ଥାଲାପତି ବିଜୟଙ୍କ ଫିଲ୍ମ ବିଷ୍ଟର ‘ଆରବୀ କୁଥୁ’, ୱାରିସୁରୁ ‘ରଂଜୀଥମେ’ ଏବଂ ରଜନୀକାନ୍ତ ଏବଂ ତମନ୍ନା ଭାଟିଆଙ୍କ ‘ନୁ କାବାଲିଆ’ ସହ ହିଟ୍ ଗୀତ କୋରିଓଗ୍ରାଫି କରିଥିଲେ। ନିକଟରେ ଜାନି ମାଷ୍ଟର ତେଲୁଗୁ ସିନେମା ଟିଭି ନୃତ୍ୟଶିଳ୍ପୀ ଏବଂ ନୃତ୍ୟ ନିର୍ଦ୍ଦେଶକ ସଂଘର ସଭାପତି ଭାବରେ ନିର୍ବାଚିତ ହୋଇଛନ୍ତି । ଜାନି ମାଷ୍ଟର ତାମିଲ ଚଳଚ୍ଚିତ୍ର ‘ତିରୁଚିତ୍ରାମବାଲମ’ ପାଇଁ ଶ୍ରେଷ୍ଠ କୋରିଓଗ୍ରାଫର ପୁରସ୍କାର ମଧ୍ୟ ପାଇଛନ୍ତି ।