ଅମରାବତୀ: ଆନ୍ଧ୍ରପ୍ରଦେଶର ତିରୁମାଲା ତିରୁପତି ଦେବସ୍ଥାନରେ ଲଡୁ ବ୍ୟଭିଚାରକୁ ନେଇ ଚାଲିଥିବା ବିବାଦ ଭିତରେ ମୁହଁ ଖୋଲିଛି ଅମୁଲ ଇଣ୍ଡିଆ । କମ୍ପାନୀ କହିଛି ଯେ ତାଙ୍କ ପକ୍ଷରୁ ତିରୁପତି ମନ୍ଦିରକୁ କେବେବି ଘିଅ ଯୋଗାଇ ଦିଆଯାଇନାହିଁ । ଅମୁଲ ଇଣ୍ଡିଆ କହିଛି ଯେ, ସୋସିଆଲ ମିଡିଆରେ ଏଭଳି ରିପୋର୍ଟ ପ୍ରକାଶ ପାଇଛି ଯେଉଁଥିରେ କୁହାଯାଇଛି ଯେ ଅମୁଲ ଇଣ୍ଡିଆ ତରଫରୁ ତିରୁପତି ମନ୍ଦିରକୁ ଘିଅ ଯୋଗାଇ ଦିଆଯାଉଛି। ବାସ୍ତବରେ ଏହି ସବୁ ରିପୋର୍ଟ ଗୁଜବ ଅଟେ ବୋଲି କହିଛି ଅମୁଲ ଇଣ୍ଡିଆ।
ଅମୁଲ ଇଣ୍ଡିଆ ଆହୁରି ମଧ୍ୟ କହିଛି ଯେ, ବିଭିନ୍ନ ସ୍ତର ଦେଇ ପରୀକ୍ଷଣ କରାଯିବା ପରେ ଆମର ଘିଅ ପ୍ରସ୍ତୁତ ହୋଇଥାଏ । ଏଥିରେ କୌଣସି ଭୁଲ ଜିନିଷ ମିଶାଯାଏନି । ଅମୁଲ ଘିଅ ତିଆରି କରିବାକୁ ଆମ ପାଖରେ ଆଇଏସଓ ପ୍ରମାଣିତ ଉତ୍ପାଦନ କାରଖାନା ଅଛି । ଘିଅ ତିଆରିରେ ବ୍ୟବହୃତ କ୍ଷୀର ମଧ୍ୟ ଆମ ସଂଗ୍ରହ କେନ୍ଦ୍ରକୁ ଆସିଥାଏ । ଦୁଗ୍ଧର ଗୁଣାବତ୍ତା ଏଠାରେ ପରୀକ୍ଷା କରାଯାଏ । ଏଫଏସଏସଏଆଇର ସମସ୍ତ ମାନକକୁ ଅନୁସରଣ କରି ଆମେ ଘିଅ ଏବଂ ଅନ୍ୟାନ୍ୟ ଉତ୍ପାଦ ପ୍ରସ୍ତୁତ କରୁ । ଗତ ୫୦ ବର୍ଷ ଧରି ଗ୍ରାହକଙ୍କୁ ଭଲ ଉତ୍ପାଦ ଯୋଗାଇ ଆମେ ଲୋକଙ୍କ ବିଶ୍ୱାସ ଜିତିଛୁ । ତେଣୁ ଆମର ଅନୁରୋଧ କରୁଛୁ ଯେ, ଅମୁଲ ଇଣ୍ଡିଆ ବିଷୟରେ ଏପରି ମିଥ୍ୟା କରନ୍ତୁ ନାହିଁ । ବାସ୍ତବରେ, ତିରୁପତି ମନ୍ଦିରର ଲଡୁରେପଶୁ ଚର୍ବି ମିଶୁଥିବା ସୂଚନା ମିଳିବା ପରେ ସୋସିଆଲ ମିଡିଆ ଦାବି କରାଯାଉଥିଲା ଯେ ଅମୁଲ ଇଣ୍ଡିଆ ମନ୍ଦିରକୁ ଘିଅ ଯୋଗାଉଥିଲା।
ଅନ୍ୟପକ୍ଷରେ ପ୍ରସାଦରେ ପଶୁ ଚର୍ବି ମିଶିବା ଦାବି ଉପରେ କେନ୍ଦ୍ର ସରକାର ଆନ୍ଧ୍ରପ୍ରଦେଶ ସରକାରଙ୍କଠାରୁ ରିପୋର୍ଟ ମାଗିଛନ୍ତି। ରାଜ୍ୟ ମୁଖ୍ୟମନ୍ତ୍ରୀ ଏନ. ଚନ୍ଦ୍ରବାବୁ ନାଇଡୁ ଅଭିଯୋଗ କରିଛନ୍ତି ଯେ ତିରୁପତି ମନ୍ଦିରରେ ଲଡୁ ବ୍ୟଭିଚାର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ ମୋହନ ରେଡ୍ଡୀଙ୍କ କାର୍ଯ୍ୟକାଳ ସମୟରେ ଘଟିଥିଲା। ତେବେ ଜଗନ୍ ମୋହନ ରେଡ୍ଡୀ ଏହି ଅଭିଯୋଗକୁ ସମ୍ପୂର୍ଣ୍ଣ ରୂପେ ପ୍ରତ୍ୟାଖ୍ୟାନ କରିଛନ୍ତି।