ନୂଆଦିଲ୍ଲୀ: ଆଇସିସି ଟେଷ୍ଟ ର୍ୟାଙ୍କିଙ୍ଗରେ ଭାରତର ଷ୍ଟାର ପେସ ବୋଲର ଯଶପ୍ରୀତ ବୁମରାହ ଶୀର୍ଷ ସ୍ଥାନ ହରାଇଛନ୍ତି । ଦକ୍ଷିଣ ଆଫ୍ରିକା ପେସ ବୋଲର କାଗିସୋ ରାବାଡା ଶୀର୍ଷ ସ୍ଥାନ ହାସଲ କରିଛନ୍ତି । ବୁମରାହ ୮୪୬ ରେଟିଂ ପଂଏଟ ସହ ତୃତୀୟ ସ୍ଥାନକୁ ଖସି ଆସିଛନ୍ତି । ରାବାଡା ୮୬୦ ପଂଏଟ ହାସଲ କରିଛନ୍ତି । ରବିଚନ୍ଦ୍ରନ ଅଶ୍ୱୀନ ଓ ରବୀନ୍ଦ୍ର ଜାଡେଜା ୨ଟି ଲେଖାଏଁ ସ୍ଥାନ ତଳକୁ ଖସି ଚତୁର୍ଥ ଓ ୮ମ ସ୍ଥାନରେ ରହିଛନ୍ତି । ପାକିସ୍ତାନର ବାମହାତୀ ସ୍ପିନ ବୋଲର ନୋମାନ ଅଲୀ ୮ଟି ସ୍ଥାନ ଉନ୍ନୀତ ହୋଇ ପ୍ରଥମ ୧୦ଜଣଙ୍କ ମଧ୍ୟରେ ସାମିଲ ହୋଇଛନ୍ତି ।
ବ୍ୟାଟିଂରେ ଏକମାତ୍ର ଭାରତୀୟ ବ୍ୟାଟ୍ସମ୍ୟାନ ଭାବେ ଯଶସ୍ୱୀ ଜୈସୱାଲ ପ୍ରଥମ ୧୦ଜଣଙ୍କ ମଧ୍ୟରେ ସ୍ଥାନ ପାଇଛନ୍ତି । ସେ ୭୯୦ ପଂଏଟ ସହ ତୃତୀୟ ସ୍ଥାନରେ ରହିଛନ୍ତି । ରିଷଭ ପନ୍ତ ୫ଟି ସ୍ଥାନ ତଳକୁ ଖସି ୧୧ତମ ଓ ବିରାଟ କୋହଲି ୬ଟି ସ୍ଥାନ ହରାଇ ୧୪ତମ ସ୍ଥାନକୁ ଖସି ଆସିଛନ୍ତି । ଇଂଲଣ୍ଡର ଜୋ ରୁଟ ଶୀର୍ଷ ସ୍ଥାନ ବଜାୟ ରଖିଛନ୍ତି । ସେ ୯୦୩ ପଂଏଟ ପାଇଥିବା ବେଳେ କେନ ୱିଲିୟମସନ ୮୧୩ ପଂଏଟ ସହ ଦ୍ୱିତୀୟ ସ୍ଥାନରେ ରହିଛନ୍ତି ।
Comments are closed.