ପ୍ରତିଶୋଧ ନେଲେ ସୁରକ୍ଷାକର୍ମୀ, ୨ ଆତଙ୍କବାଦୀ ନିହତ

ଶ୍ରୀନଗର: ପ୍ରତିଶୋଧ ନେଲେ ସୁରକ୍ଷାକର୍ମୀ l ଜାମ୍ମୁ କାଶ୍ମୀରରେ ସୁରକ୍ଷାକର୍ମୀଙ୍କ ଏନ୍‌କାଉଣ୍ଟର l ସୋପୋରରେ ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କବାଦୀ ନିହତ l ଗତକାଲି ୨ ଗ୍ରାମରକ୍ଷୀଙ୍କୁ ଗୁଳିକରି ହତ୍ୟା କରିଥିଲେ ଆତଙ୍କବାଦୀ l ଏହାପରେ ସୋପୋରରେ ଆତଙ୍କୀ ଲୁଚିଥିବା ସନ୍ଦେହରେ ଚାଲିଥିଲା ଅପରେସନ୍ l ଶେଷରେ ୨ ଆତଙ୍କବାଦୀଙ୍କୁ ମାରି ଗଡାଇଛନ୍ତି ସୁରକ୍ଷାକର୍ମୀ l

ସୂଚନା ଅନୁସାରେ, ଗତକାଲି ସନ୍ଧ୍ୟାରେ ଜମ୍ମୁ-କଶ୍ମୀରର କିସ୍ତୱାର୍‌ ଜିଲ୍ଲାରେ ଦୁଇ ଗ୍ରାମ ପ୍ରତିରକ୍ଷା ଗୋଷ୍ଠୀ ସଦସ୍ୟଙ୍କୁ ଆତଙ୍କବାଦୀମାନେ ଅପହରଣ କରି ନେଇଥିଲେ l ଆତଙ୍କବାଦୀ ଗୋଷ୍ଠୀ ପ୍ରଥମେ ପୀଡ଼ିତଙ୍କ ଆଖିରେ ପଟି ଲଗାଇ ସେମାନଙ୍କ ଫଟୋ ସେୟାର କରିଥିଲେ l ଏହାପରେ ସେମାନଙ୍କୁ ହତ୍ୟା କରିଥିବା ନେଇ ସୂଚନା ମିଳିଛି l ତେବେ ମୃତକ ଦୁଇ ଗ୍ରାମରକ୍ଷୀ ହେଉଛନ୍ତି ଓହଲି କୁନ୍ତୱାରା ଗାଁର ନାଜିର ଅହମ୍ମଦ ଏବଂ କୁଲଦୀପ କୁମାର l ତେବେ ଏହା ପଛରେ ଲସ୍କର-ଏ-ତୋଏବା ଆତଙ୍କବାଦୀ ସଂଗଠନର “କାଶ୍ମୀର ଟାଇଗର” ନାମକ ସଂଗଠନ ଥିବା ନେଇ ସୂଚନା ମିଳିଛି l ଏହାପରେ ସର୍ଚ୍ଚ ଅପରେସନ ଆରମ୍ଭ କରିଥିଲେ ସୁରକ୍ଷାକର୍ମୀ l ସର୍ଚ୍ଚ ଅପରେସନ ଚାଲିଥିବା ବେଳେ ଦୁଇ ଆତଙ୍କବାଦୀଙ୍କୁ ଏନକାଉଣ୍ଟର କରିଛନ୍ତି ସୁରକ୍ଷାକର୍ମୀ l